http://www.graphicsgrotto.com/animatedgifs/borders/dividers/images/agbdmisc39.gif
  • မှန်ကန်တဲ့ ဆုံးဖြတ်ချက်တွေ ချနိုင်နေပြီဖြစ်တဲ့ လှိုင်းတို့ အသက်အရွယ်တွေမှာ... ခံစားချက်တွေ အပြင် ဦးနှောက်ကိုပါ ထည့်သွင်း စဉ်းစားကြည့်မယ်ဆိုရင် လှိုင်းရင်ထဲမှာ.. သူ့အတွက် အဖြေဆိုတာ သေချာနေပြီး သားလေ..။[...]

  • တစ်ကယ်ဆို မောင်နဲ့ ကျွန်မက အယူဆခြင်းမတူ၊ ခံယူချက်ခြင်း မတူနဲ့ အတိုက်အခံတွေ များစွာ ထဲကပဲ ချစ်သူဖြစ်ခဲ့ ကြသူတွေပါ။ မောင်နဲ့ ကျွန်မတို့နှစ်ဥိး ဆုံဖြစ်ကြတဲ့ ကြည်နူးရတဲ့ အချိန်ဆိုတာ..[...]

  • ကျွန်တော် မနေ့ တစ်နေ့မှ နားလည်လာသော လူ့လောက အကြောင်းအရာ တစ်ချို့ကိုတော့ အံသြစရာ သူကလေးက လက်ပွန်းတနီး ရင်းနှီး ကျွမ်းဝင်နေ တက်သည်။ ကလေးတစ်ယောက်ရဲ့ လိုအင် ဆန္ဒတွေကို မြိုသိပ်နိုင်စွမ်း ရှိလှတာ သူကလေး ကျင်လည် ရတဲ့ ဘဝပေး အခြေနေကြောင့်ဟု[...]

  • ပျောက်ဆုံးသွားတဲ့ နွေးထွေးမှုတွေအေးစက်သွားတဲ့ စကားလုံးစိမ်းစိမ်းတွေအစား ဟိုအရင်လိုပဲ သူထက်ငါအပြိုင် စကားနိုင်လုရင်း [...]

Sunday, December 14, 2014

ကျွန်မ နေပျော်ခဲ့ပါတယ် မောင်

                           ကျွန်မ နေပျော်ခဲ့ပါတယ် မောင်
                      ======================



ကမ်းစပ်က လှိုင်းလေးတွေ ဂယက်ထနေချိန်မှာ ရေပြင်တစ်ခုလုံး တည်ငြိမ်နေပါစေလို့ ဆုတောင်းလိုက်တာဟာ အသိမဲ့ခဲ့လေမလား..။ ဒါမှမဟုတ် စကားလုံးလှလှသုံးပြီး ကလေးဆန်ကြည့်တာပါလို့ ဆိုလေမလား..။ သေချာမှုတွေကို ဝေဝေဝါးဝါးဖြစ်အောင် စိတ်ကိုပဲ လှည့်စားလိုက်ရမလား..။ အရာအားလုံးဟာ ဟိုတစ ဒီတစ စပြန့်ကျဲနေတဲ့ အပိုင်းအစတွေ အဖြစ်နဲ့ နေသားတကျ ရှိနေခဲ့တာ။

သတိတရ ရှိနေတာကို မေ့ထားဖို့ .. ကြိုးစားရတာ  လွမ်းနေရတာထက် ခံရခက်တယ်။ မတွေ့မိအောင် ကွေ့ရှောင်နေရတာကို မျက်နှာချင်း ဆုံအောင်လုပ်တော့ ... ကျွန်မနေရခက်တယ်...မောင်။ ဘာရယ် မဟုတ်ပါဘူး...တိတ်တဆိတ် ပျောက်ကွယ် သွားစေချင်ရုံလောက်ပါ။

Monday, November 10, 2014

တစ်ချိန်တုန်းက..... ဝက်ဝံရုပ်ကလေး

တစ်ချိန်တုန်းက …. ဝက်ဝံရုပ်ကလေး


ရင်ခုန်တတ်စအရွယ် မဟုတ်တော့ပေမယ့် အချစ်ဦးဆိုတာကို တက္ကသိုလ်ကျောင်းပြီးချိန်မှ ဆုံခဲ့ရသော သူကိုတော့ ကျွန်မ တစ်ခါတရံတော့ သတိရမိပါသည်။ အစွဲလန်းကြီးတတ်သူရယ်လို့ သူငယ်ချင်းတွေ ထင်ကြေးပေးခဲ့သလို သူ့အမြင်မှာတော့ ကျွန်မက မတုန်မလှုပ် အေးစက်စက်ရယ်ပါ။ အထူးသဖြင့် သူနှင့်ပါတ်သက်ခဲ့ရင် ကျွန်မနှလုံးသားတွေက အခုထိအောင် အေးစက်နေတတ်စမြဲ။ ဒါကို သူသာသိရင် ကျွန်မကို အရင်လိုပဲ ခွင့်လွတ်နေဦးမှာလား။ ဒါမှမဟုတ် သူရော အရင်လို ဟုတ်ပါတော့မလား ဆိုတာကိုတော့ ကျွန်မလည်း သေချာ မသိနိုင်တော့ပါ။

အချိန်တွေကို ရေတွက်ကြည့်မည်ဆိုလျှင်ပင် ဆယ်စုနှစ် တစ်ခုနီးပါးစာပင် ရှိရော့မည်ဖြစ်သည်။ သူရော ဘယ်ဒေသကို ရောက်နေပြီလဲ။ အိမ်ထောင်များ ကျနေလောက်ပြီလား။ သားသားမီးမီးတို့ဖြင့် အခြေကျနေပြီလား။ ဘာရယ်မျှ မသေချာ။ ကျွန်မမှာသာ ကံကြမ္မာ အလှည့်အပြောင်းကြားမှာ ခုချိန်ထိ မားမားမတ်မတ် တစ်ကိုယ်တည်း ရပ်တည်နေတုန်းရယ်ပါ။ တစ်ကယ်တော့လည်း သူနှင့်ပါတ်သက်သော အကြောင်းအရာတို့သည် မရေမရာ ဝါးတားတားမျှသာ။ အရင်လို သွယ်လျလျ မဟုတ်တော့သော ကျွန်မသည်ပင်လျှင် ဝဖြိုးသည်ဟု ဆိုရလောက်အောင်ပင် လူလတ်ပိုင်းအမျိုးသမီး အရွယ်သို့ ဝင်ရောက်လို့နေပြီ ဖြစ်သည်။ သူရော အရင်လိုပဲ သွယ်လျလျ ပါးလျှပ်တဲ့ ခန္ဓာကိုယ်မျိုးကို ပိုင်ဆိုင်နေဆဲပဲလား။ အတွေးတို့က မရေရာ မသေချာ။ အခွင့်ကြုံလို့များ တစ်နေရာရာမှာ ဆုံခွင့်ရခဲ့လျှင် အရင်လို ရှက်ပြုံးတို့ဖြင့် ကျွန်မကို သူငေးကြည့်နေဦးမလားလို့ တစ်ခါတရံတော့ ကိုယ်လိုရာ ဆွဲတွေး ဖြစ်မိသည်ကတော့ အမှန်ပင်။

Sunday, September 7, 2014

တိုက်စားခံရသော... ကမ်းပါးအက္ခရာ








“ မလေး…ကို ကျွန်တော် ချစ်တယ်”
မပွင့်တပွင့် အသံမှာ ရှက်ဟန်တွေပါနေမှန်း မလေး မကြည့်ပေမယ့် ခံစားလို့ရနေမှာ အမှန်ပင် ဖြစ်သည်။ အဝေးကြိးကို ငေးကြည့်နေသော မလေး၏ မျက်ဝန်းများ ငေးရီနေခဲ့သလားဆိုတာ ကျွန်တော် မသိခဲ့ပေ။ တစ်ချက်တစ်ချက် တိုက်ခတ်လာသော လေပြင်းကြောင့် ဆံနွယ်အောက်က မလေး၏ မျက်နှာဝင်းဝင်းလေးကတော့ ကျွန်တော့်၏ ပင့်သက်မောတွေကို ခိုးယူလို့နေသည်။
ခဏအကြာမှာတော့ ဝင်လုလုဆဲဆဲ နေမင်းကြိးနှင့်အပြိုင် ကျွန်တော့်မျက်ဝန်းတွေလည်း နီစွေးလာခဲ့သည်။ ကျွန်တော်ဟာ မလေးနှင့် မျက်နှာခြင်း မဆိုင်ရဲသူပီပီ ကျောခိုင်းအနေအထာဖြင့် မလေးဆီမှ စကားသံတစ်ချို့ကို နားစွင့်နေခဲ့မိသည်။ မလေးသည်လည်းပဲ ကျွန်တော့်ကဲ့သို့ပင် စိတ်လှုပ်ရှားနေမလားဆိုသော အတွေး..တစ်ချို့ဖြင့်။
“မလေး …အစောကတည်းက ကြိုပြီး သိနေခဲ့ပါတယ်”
တည်တည်ငြိမ်ငြိမ် ဆိုတာထက် တုန်ခါမှုအလျင်းမရှိသော မလေးထံမှ စကားသံ အကြားမှာတော့ ကျွန်တော် ခြေထောက်တွေ ညွတ်ခွေကျသွား လိုက်ချင်မိသည်။ အသံကိုပဲ စောင့်မျှော်နေခဲ့သူမို့ ထင်သည်။ မလေး၏ မျက်ဝန်းတွေကို ရင်ဆိုင်ဖို့ အတွက် ကျွန်တော် သတ္တိမရှိခဲ့ပါ။ ကျွန်တော်က မလေးနှင့် ပါတ်သက်လာလျှင် ထိုထက် ပိုပြိး သတ္တိကြောင် ချင်သူပီပီ အမြဲပင် အလွဲများစွာဖြင့် ရှိနေတက်သူလည်း ဖြစ်သည်။
နောက်ထပ် တစ်ခွန်းတစ်လေများ ဆိုဦးမလားလို့ ကျွန်တော် မျှော်လင့်ခဲ့သော်လည်း မလေးဆီကတော့ နုတ်ဆိတ်ခြင်း များဖြင့်သာ တိတ်ဆိတ်လို့ နေသည်။ ထိုနေရာမှ  ထွက်ခွာရနိုးနိုး၊ ဆက်ပြီး ရပ်နေရမလိုလိုနှင့် ကျွန်တော်ထံမှာ ခွန်အားများလည်း မဲ့လို့ နေလေသည်။
နေဝင်ရီ တရောမို့ လေနုအေးတို့ကလည်း အပြေးသော့လို့ လာနေသည်။ ပတ်ဝန်းကျင် တစ်ခုလုံးတွင်လည်း လေတိုးသံ သဲ့သဲ့နှင့် တိုးလျလျ သက်ပြင်းချသံ တို့သာ ကြီးစိုး၍ နေလေတော့သည်။
“ကျွန်တော် နားလည်ပြီ.. မလေး… ပြန်ကြရအောင်နော်”
“ခဏလေး… မလေး တစ်ယောက်ထဲ အရင် ပြန်နှင့်လိုက်မယ်..”
ပြန်ကြရအောင်ဟု စ၍ ပြောသူက ကျွန်တော်။ တစ်ယောက်တည်း ပြန်ဖြစ်သွားသူက မလေး။ အပြောနှင့် အလုပ်ကို လက်တွေ့ အသုံးချပြပြီး တရွေ့ရွေ့ ထွက်ခွာသွားသော မလေးက ကျွန်တော့်ကို တစ်ချက်လေးမှတောင် စောင်းငဲ့ မကြည့်သွားခဲ့ပါ။
ကျွန်တော့ကသာ ထွက်ခွာသွားသော မလေး၏ တလွင့်လွင့် လှုပ်ရှားနေသော ဆံနွယ်တွေနှင့်အတူ နောက်ကျောမှနေ အရိပ်လေး မှုန်ပြပြ ဖြစ်သွားချိန်ထိ ငေးမောလို့ ကောင်းနေဆဲ။
ကျွန်တော် ဝမ်းနဲနေခဲ့တာလား…
ရှက်နေခဲ့တာလား..
မသေချာသော ခံစားမှုများနှင့် ကျွန်တော် တစ်ယောက်တည်းရယ်…

Sunday, August 31, 2014

တစ်နေ့နေ့... တစ်ချိန်ချိန် ... တစ်နေရာရာ၌




“မီ.. ရေ ပြောစရာရှိတယ် သိလား … မင်းအတွက် ကိုယ် သဲလွန်စတစ်ခု ရခဲ့တယ်” ဟု အသံပြုလိုက်သော သူငယ်ချင်းမလေးကို လှည့်ကြည့်ရင်း လုပ်လက်စအလုပ်ကို လက်စသတ်ကာ ဘာလဲဟူသော သိလိုစိတ်ဖြင့် သူမကို မီ ပြုံးပြလိုက်သည်။ “ မင်းရဲ့ စိတ်ပုတ်ကို ကိုယ်မနေ့က  တွေ့လိုက်တယ်သိလား…. ”  ဟင်ဆိုတဲ့ အာမေတိတ်သံဖြင့် မီရင်ထဲမှာ လှိုင်းတို့ ထန်လေသည်။
“ မင်းဟာက သေချာရဲ့လားကွာ သူမဖြစ်နိုင်ပါဘူး”  မချင့်မရဲ မယုံရဲဟန်ဖြင့် မီဆိုလေသော အခါ သူငယ်ချင်းက “ဟာကွာ.. မီကလည်း ကိုယ်က မသေချာပဲပြောပါ့မလား၊ ပြိးတော့ လူမှားရအောင်လည်း မင်းရဲ့ စိတ်ပုတ်လိုမျိုး လူက နှစ်ယောက်ရှိနိုင်ပါ့မလား” ဟူ၍ အသေအချာ အခိုင်မာ ဆိုသောအခါ မီမှာ အံသြရင်း အံသြရပြန်သည်။ အံ့သြစိတ်ဖြင့် “ဘယ်နေရာမှာ တွေ့ခဲ့တာလဲ ….ပြောပြဦးလေ” ဟုမီဆိုတော့ မချိုမချဉ်အပြုံးဖြင့် “ အိပ်မက်ထဲမှာ ..” ဟုဖြေသော သူငယ်ချင်းမလေးကို မီတစ်ယောက် အသံတိတ်ဆဲရေးလိုက်မိသည်။

Sunday, December 1, 2013

ကျွန်မ ရှင့်ကို မကြိုက်ခဲ့ဘူး





ကျွန်မ ရှင့်ကို မကြိုက်ဘူး။ သဘောမကျဘူး။ မနှစ်သက်ဘူး။ ဒီထပ်ပိုပြီး ရှင်းလင်း ပြတ်သားတဲ့ ဝေါဟာရ ရှိခဲ့မယ်ဆိုရင် ကျွန်မ ရှင်သိအောင် ပြောပြချင်သေးတယ်။ ကျွန်မရှင့်ကို မကြိုက်တဲ့ အကြောင်းတွေကိုပေါ့။ ရှင့်ကို မကြိုက်တဲ့ အကြောင်းအရာတွေကို ချပြရမယ်ဆိုရင် ကျွန်မဘဝရဲ့ လေးပုံပုံရင် သုံးပုံစာက ရှင့်ကိုမကြိုက်တဲ့ အကြောင်းတွေကြိးပဲ ဖြစ်နေတော့မှာ။

ယောက်ျားလေး ဖြစ်ပါရက်နဲ့ သန့်ပြန့်လွန်းနေတဲ့ ရှင့်ရဲ့ အပြုမှု၊ အနေထိုင်တွေကအစ ကျွန်မ မကြိုက်ဘူး။ လိုတာထပ် ပိုပြီး သပ်ရပ်နေတက်တဲ့ ဝတ်စားဆင်ယင်မှုက ကျွန်မကို မျက်စိ စပါးမွှေးစူးစေတယ်။ ညိုညက်နေတဲ့ ခြေချောင်းလေးတွေကတစ်ဆင့် ဖွေးသန့်နေတဲ့ ခြေသဲခွံအဖြူရောင်တွေက အနက်ရောင်ကတ္တီပါ ဖိနပ်ပေါ်ကနေ ကျွန်မကို လှောင်ပြောင်နေသလိုပဲ။

ရှပ်အကျီအဖြူရောင်ကိုမှ ကွပ်စိပ်အဆင်အမျိုးမျိုးနဲ့ တွဲဖက်ဝတ်ဆင်ထားတဲ့ ရှင်ပုံစံက ရုံးစာရေးတစ်ယောက်မှန်း မမေးပဲ သိသာစေတယ်လေ။ ဘာရယ်လို့ ကျွန်မ မသိတဲ့ ဖိုင်တွဲတစ်ခုနဲ့ ရှင့်ခါးကြားက ထီးခေါက်ကြီးကိုလည်း ကျွန်မ ကြည့်မရပြန်ဘူး။

Sunday, November 10, 2013

အရောင်မဲ့ခဲ့သော






၁။

နိုဝင်ဘာဟာ အရင်လိုပဲ ကိုယ့်အပေါ် အေးစက်စက်ဆက်ဆံတယ်။ သူ့ကြောင့်ပဲ အပင်တိုင်းလိုလိုက အရွက်တွေက ဝါတာကတစ်မျိုး နီစေတာကတသွယ်နဲ့ နောက်ဆုံးတော့လည်း ကြွေဖို့ဆီကိုပဲ ဦးတည်ကြရတယ်လေ။ နိုဝင်ဘာကတော့ သူ့ဘဘာဝ မထီမဲ့မြင် ပုံစံအတိုင်း အေးစက်စက်နဲ့ သူ မဟုတ်သလို ခပ်တည်တည် ရယ်သာ။ တစ်ခါတရံလည်း တစ်နေ့လုံးကို မြူတွေနဲ့ အုပ်ဆိုင်းနေစေသလို၊ တစ်ခါတစ်လေတော့လည်း အေးစက်စက် မိုးရေစက်တွေနဲ့ ခိုက်ခိုက်တုန်စေပြန်တယ်။ နေရာတိုင်းမှာ ဟိုဒီ ပြေးလွှားနေတဲ့ ရွက်ကြွေတွေဟာ လေအဝှေ့မှာ ယိမ်းလို့ တိမ်းလို့။ လွင့်ချင်ရာ လွင့်နေကြဆဲ။ ရွက်ကြွေဘဝကို နာကျင်ဖို့တောင်မှ သတိမရနိုင်အောင်ပဲ ပြေးလွှားနေကြပြန်တယ်။

“ဟေ့ တစ်ယောက်တည်းလား၊ အဖော်မပါဘူးလား၊ ဈေးလာဝယ်တာ ထင်တယ်”

အသံနဲ့အတူ လက်ကိုဖမ်းဆုပ်ကာ နှုတ်ဆက်ဟန် ပြင်နေတဲ့ မျက်မှန်းတန်းမိရုံသာ ရှိတဲ့ အမျိုးသမီးကို အလိုက်သင့်ပဲ ပြုံးပြလိုက်တယ်။ မနေ့တစ်နေ့ကမှ လူသစ်အဖြစ် ပြောင်းလာသူ မဟုတ်သော်လည်း ကိုယ်တိုင်က လူတွေနဲ့ သိပ်ရောရောနှောနှောနေရတာကို မနှစ်သက်သူမို့ ဘယ်သူ့ကိုမှ အရေးတယူ နှုတ်ဆက်တာမျိုး မလုပ်ခဲ့သလို ကိုယ့်ကို တရင်းတနီး လာနှုတ်ဆက်တော့လည်း မရိုင်းချင်သူမို့ ပြုံးလိုက်ခြင်းမျှသာ။ ဒါကိုပင် အလိုက်မသိတဲ့ သူမက ဆွဲထားသော ကျွန်မလက်ကို လွတ်ဖို့မေ့နေဟန်နဲ့ အမေးစကားတွေကို အားမနာစတမ်း ဖောင်ဖွဲ့နေပြန်တယ်။ စိတ်ရှုပ်စွာပဲ သူမရဲ့ လက်ထဲမှ မသိမသာရုန်းထွက်ရင်း သူမရဲ့ အမေးစကားတွေထဲကပါ သိသိသာသာပဲ ရှောင်ထွက်ဖို့ ကျွန်မကြိုးစားလိုက်တယ်။

Monday, June 3, 2013

ရင်ထဲက သုံးရာသီ


ရင်ထဲကသုံးရာသီ



အိမ်အပြင်ဘက်မှာ နှင်းပွင့်များ တဖွဲဖွဲကျနေသည်မှာ ပန်းချီကား တစ်ချပ်ပမာ ရှိလှ၏။ အမြင်သာလှ၍ မေးခိုက်အောင်ပင် ချမ်းစိမ့်နေစေသော နှင်းတွေကို အဝေးကနေပဲ ချစ်ပရစေဟု တစုံတယောက် ပြောခဲ့ဖူးတာကို ကျွန်မ ပြန်လည် အမှတ်ရမိသည်။ ဆောင်းရာသီမို့ သစ်ပင်တို့တွင် အရွက်များလည်း မရှိတော့ချေ။ သစ်ပင်အို၏ ကိုင်းဖျားတစ်ခုမှာ နားနေသော ငှက်ကလေး တစ်ကောင်ကို အကြောင်းမဲ့ ငေးကြည့်နေမိလျှက်မှ သူကလေး ချမ်းနေရှာမှာပဲဟု ဂရုဏာသက်စွာ တွေးနေမိသည်။ ထိုအချိန်မှာပဲ ငှက်ကလေး၏ နံဘေးကို သူနှင့် ပုံသဏ္ဍန်တူသော တခြား ငှက်ကလေး တစ်ကောင် ရောက်လာချိန်မှာတော့ ဘာရယ်မဟုတ်ပဲ ကျွန်မ နှုတ်ခမ်းတွေ ကွေးညွတ်သွားအောင်ပင် ပြုံးမိသွားရသည်။ ထိုအပြုံးတွေမှာ ကျေနပ်မှု၊ ကြည်နှုးမှုတွေ အပြည့်ရှိနေသည်။

ဘယ်လောက်ပဲ ခက်ခဲကြမ်းတမ်းသော ဘဝခရီးလမ်း ဖြစ်ပါစေ၊ မိမိနှင့်အတူ အေးအတူ၊ ပူအမျှ ခံစားနားလည် ပေးမည့်သူ တစုံတယောက်သာ ရှိနေခဲ့မယ်ဆိုလျှင် ဟူသော အတွေးလေးတခု တွေးမိချိန်မှာ ကျွန်မ ရင်ဘတ် တစ်ခုလုံး ဟာဆင်း သွားခဲ့ရသည်။ အတူယှဉ်တွဲလို့ ဟိုဒီဝဲပျံ အစာကောက်နေသော ငှက်ကလေး နှစ်ကောင်ကို ငေးကြည့်နေလျှက်မှ နွေးထွေးစွာ ဆုပ်ကိုင်မည့် လက်တစုံကို မွတ်သိပ်စွာပင် တောင့်တမိသည်။ ချမ်းစိမ့်သော နှင်းတွေကြားမှာ တစ်ယောက်လက်ကို တစ်ယောက်က မြတ်နိုးစွာ ထွေးဆုပ်၍ နှင်းတောထဲ၌ ကလေးဆန်စွာ ပြေးလွှား ကစားချင်နေမိ၏။

“ ကလေးလည်း မဟုတ်ပဲနဲ့ ကလေးဆန်လိုက်တာ” ဟု အပြစ်တင်သံ မဟုတ်သော ရယ်မောသံ တစ်ဝက်နှင့် ကြည်စားတက်သော သူ့မျက်ဝန်းတွေကို ကျွန်မ လွမ်းသွားရသည်။ သူနှစ်သက်သော သံစဉ်တစ်ချို့ကို ခပ်တိုးတိုးဖွင့်ပြီး  သူ့မျက်လုံးလေးများကို မှေးစင်းကာ စီးချက်ကျကျ လိုက်ကတက်သော သူ့အပြုမှုလေးတွေကလည်း မဖိတ်ခေါ်ဘဲ ကျွန်မအတွေးထဲသို့ အစီအရီ ဝင်ရောက်လာ ကြပြန်သည်။ တောင်ပေါ်ဒေသလည်း ဖြစ်သလို နှင်းတွေနှင့် ပြည့်နေတတ်တာမို့ “ ကားကို ဂရုစိုက်မောင်းနော်” ဆိုသော စိတ်မချဟန်ဖြင့် ကလေးတစ်ယောက်ကဲ့သို့ သတိပေးတတ်သော သူက ကျွန်မ အတွေးထဲ ဝင်ရောက်လာခဲ့သော အခါ  သတိတရဖြင့် ပြုံးမိရပြန်သည်။

Saturday, May 4, 2013

အစိမ်းရောင် နေ့ရက်များ၏ သံစဉ်




ကျွန်တော်၏ အတွေး၊ အာရုံ၊ စိတ်၊ ခံစားမှု စသည့် အရာအားလုံး အေးစက် မာကြောတက်ခဲ့သည်မှာ အချိန်ကာလ အတန်ပင် ကြာညောင်းခဲ့ပြီ ဖြစ်လေသည်။ သို့သော်လည်း အေးစက် မာကြောသော နှလုံးသား တစ်စုံက အတိတ်ဆိုတဲ့ စိတ်နံရံ တခါးကို မကြာခဏ ဆိုသလိုပင် ထိတွေ့ နေမိဆဲပင်။ ထိုသို့ ထိတွေ့  မိတိုင်းလည်း တစ်ခါတစ်ရံ ကြည်နူးခြင်း၊ တစ်ခါတစ်ရံ ဆွေးမြေ့ခြင်း၊ လွမ်းဆွတ် သတိရခြင်း၊ တခါတရံတော့လည်း နာကျင် ကြမ်းရှသော အလွမ်း ဒဏ်ရာတွေသာ ကျွန်တော်ထံသို့ ပြေးကြို နှုတ်ခွန်း ဆက်သလေ့ ရှိနေပြန်သည်။
ရည်ရွယ်ချက်ဖြင့် မေ့ထားခြင်း မဟုတ်သော သတိရခြင်းတွေက ကျွန်တော့် အတွေးတံခါးဆီ မကြာခဏ လာရောက် တံခါးခေါက် တက်ကြသည်။ ထို့အတူ တမ်းတခြင်းတွေကလည်း ကျွန်တော့်၏ ခွင့်ပြုချက် မရသော်လည်း အလျှင်လို လှစွာဖြင့် အမောတကော အပြေး ခိုဝင်တက် ကြသေးသည်။
ကျွန်တော့်၏ စိတ် အစဉ်တွင် အပြာရောင် ဇစ်ပို မီးခြစ်တစ်လုံး၊ ဝိုင်းစက်၍ ရွန်းလဲ့နေသော မျက်ဝန်းတစ်စုံ၊ ပိရိသေသပ်တဲ့ အပြုံး (သို့မဟုတ်) အဓိပ္ပါယ် ဖော်ဆောင်ရန် ခက်ခဲ၍ လျိုဝှက်တက်သော နုတ်ခမ်းတစ်စုံ၊ ကြက်ခွပ်လှိုင်း ကလေးများလို ချစ်စရာ ကောင်းသော အတက်အကျ ဟန်ချက်ညီစွာ ခပ်သော့သော့ ရယ်မောတက်သော ရယ်သံ ချိုချိုလေးများက အချိုးကျစွာ နေရာတကျ ဝင်ရောက်၍ လာသည်။
ဆေးလိပ် မသောက်တက်သော သူမထံမှာ အပြာရောင် ဇစ်ပိုမီးခြစ် တစ်လုံး ကိုယ်နှင့် မကွာ ရှိနေ ရခြင်းနှင့်  အလား သဏ္ဍန်တူသော နားမလည်နိုင်ခြင်း၊ တစ်နည်းအားဖြင့် သူမနှင့် အံဝင်ခွင်ကျ မဖြစ်နိုင်သော အရာများစွာတို့ဖြင့်  စီရင် ဖန်ဆင်း ခံထားရသောသူ တစ်ယောက် ဟုပင် ထင်မြင် မိလေသည်။

Sunday, December 2, 2012

စုန်၍ စီးဆင်းသော မြစ်တစ်စင်း


စုန်၍ စီးဆင်းသော မြစ်တစ်စင်း 

 

အနည်းငယ် ညစ်ထွေးနေသော စိတ်ကြောင့် ဘယ်သူစွန့်ပစ်ထားမှန်း မသိသည့် လမ်းဘေးမှ ရေသန့်ဗူးခွံ တစ်ခုကို ထွန်းအောင် စိတ်ရှိလက်ရှိ ကန်ထုတ်ပစ်လိုက်သည်။ မိမိ၏ ကန်ချက်ကြောင့် အတော်ဝေးဝေး လွင့်ထွက်သွားသော ရေသန့်ဗူးခွံကို အဓိပ္ပါယ်မဲ့စွာ ငေးကြည့်နေလိုက်သည်။ သွားသင့် မသွားသင့် ဆိုတာထက် သွားကို သွားမှဖြစ်မည်ဆိုသော အသိက ဝင်လာတာကြောင့်လည်း သက်ပြင်း မောတစ်ခုကို သဲ့သဲ့ ချဖြစ်ပြန်သည်။

အသားရောင် နီစပ်စပ်နှင့် အမြဲလိုလို အဆီပြန်နေတတ်သာ မျက်နှာပိုင်ရှင် ဖြစ်သော ခနဲ့တဲ့တဲ့ စကားလုံးများနှင့် အချိုးမကျလှတဲ့ ဦးကျင်ဝှက်နှင့် တွေ့ရဖို့အရေး ကျားမြီးသာ ပြေးဆွဲလိုက် ချင်တော့သည်။ အမှန်တော့ ထွန်းအောင် တစ်ယောက် ဦးကျင်ဝှက်နှင့် တွေ့ဖို့ မသွားချင်ရသည့် အကြောင်းရင်းက နှစ်ချက်ရှိသည်။ ပထမ တစ်ချက်က ပိုက်ဆံ ရှိတယ်ဆိုပြီး မာရေကျောရည် နိုင်လှသော ဦးကျင်ဝှက်က သူ့လောက်မှ စီးပွားရေး မခိုင်လျှင် အပေါင်းသင်း မလုပ်တတ်သူ ပီပီ သူ့ထက်နိမ့်ပါးသော ထွန်းအောင်တို့လို လက်လုပ်လက်စား သမားများကိုလည်း အယုံကြည့်မဲ့ကာ မရှိ ခိုးနိုး၊ မလှ စုန်းမျိုးဖြင့် ဆက်ဆံ တတ်သောကြောင့် ဖြစ်သည်။

Saturday, October 13, 2012

ပွင့်သောပန်းတိုင်း လန်းစေချင်

ဓာတ်ပုံ   မသက်ဝေ

လူငယ်လူရွယ်ဘဝမှာ ထူးချွန်၊ ထက်မြတ်ဖို့ လိုသလို ယဉ်ကျေးလိမ္မာတဲ့ အသိစိတ်ဓါတ်လေးတွေ ကလေး၊ သူငယ်လေးတွေရဲ့ စိတ်မှာ ကိန်းအောင် သန္ဓေတည်ဖို့ ဆိုတာလည်း အရေးကြီးသော အချက်တစ်ချက် ပင်လျှင် မဟုတ်ပါလား။ မိမိရှေ့မှာ ယဉ်ကျေးလိမ္မာ ကဗျာလေးကို နှုတ်တိုက် ရွတ်ဆိုနေသော ရွာထဲက ကလေးတွေကို ကြည့်ရင်း ပီတိများစွာ ဖြစ်ရသည်ပင်။

Thursday, August 9, 2012

အဆုံးသတ်ခြင်း မရှိခဲ့သော


အေးစက်နေတဲ့ အကြည့်တွေနဲ့အတူ မာကျောခက်ထန်နေတဲ့ မျက်ဝန်းစိမ်းတွေနဲ့ နောက်ဆုံးဆိုတဲ့ အသိတစ်ခုကို ကိုယ်စီ ရင်ဝယ်ပိုက်ပြီး မျက်နှာခြင်းဆိုင် ထိုင်နေရာမှ သူ့ဘက်မှ စတင်၍ သော့အတွဲလိုက်ကို စားပွဲပေါ် ပစ်ချရင်း " အဲ့ဒါ တိုက်ခန်းသော့၊ ကားသော့၊ ခင်ဗျားနဲ့ ကျွန်တော် ကြားမှာ ဘာပတ်သက်မှုမှ မရှိတော့ဘူး " တဲ့။ သူပစ်ချလိုက်တဲ့ သော့တွဲမှာ ချိတ်လျှက် ရှိနေတဲ့ အသဲပုံ ကျောက်စိမ်း သော့ချိတ်လေးကို ကျွန်မ ငေးကြည့်နေမိသည်။

မိုးကုတ်ရောက်တုန်း သူ့အတွက် အမှတ်တရ အဖြစ်ဝယ်ခဲ့စဉ်က သူသိပ် သဘောကျခဲ့ ဖူးတဲ့ သော့ချိတ်လေး။ ကျောက်စိမ်းအစစ်နဲ့ လုပ်ထားတာမို့ ဈေးကြီးပေမယ့် သူ့အတွက် ဆိုတော့လည်း ငွေကြေးဆိုတာ ထည့်တွက်ရ ကောင်းမှန်း နားမလည်ခဲ့တာ အမှန်။ ချစ်ခြင်း၊ မေတ္တာကိုသာ အခြေခံလို့ သူ့စိတ်ကြိုက်၊ သူ့သဘောဆိုတာတွေသာ ခေါင်းညိမ့် ဖြည်းစည်း ပေးတက်ခဲ့တာ။ သူ့ဆန္ဒတွေ ပြည့်ဖို့ အရာရာ ဖြည့်စည်း ထောက်ပံ့ပေးခဲ့သမျှ နောက်ဆုံး သူစွပ်စွဲခဲ့သလို " ငွေကြေးနဲ့ လူတစ်ယောက်ရဲ့ ဘဝကို အပိုင်သိမ်းတယ်" ဆိုတဲ့ ဝေါဟာရမှာ တစ်ချိန်လုံး ငုံ့နေခဲ့တဲ့ မာနက ခေါင်းပြူလာခဲ့သည်။

Saturday, June 23, 2012

မျှော်တလင့်လင့်



အိမ်ရဲ့ အပေါ်ထပ်မှ နေ၍ ခြံတခါးဝကို မကြာခဏ လှမ်းမျှော်ကြည့်ရင်း ဒေါ်ခင်တင့် တစ်ယောက် ရောက်လာမည့် ဧည်သည်များကို စိတ်စောစွာ မျှော်နေမိတာ အမှန်ပေ။ ဧည့်သည်ဆိုပေမယ့် တစ်ချိန်တုန်းက အိမ်သားတွေပါပဲ။ တစ်ချို့က ရေကြည်ရာ မြတ်နုရာ၊ တစ်ချို့က ယောင်နောက်ဆံထုံးပါ ဆိုသလို အိမ်ထောင်ကိုယ်စီနဲ့ တစ်အိုးတစ်အိမ်စီ ခွဲခွာသွားခဲ့ ကြသော တစ်ချိန်တုန်းက အိမ်သားတွေကို ယခုအခါ ဧည့်သည်အဖြစ်နဲ့ မျှော်နေရခြင်းပါပဲ။

ဒါတောင်မှ သွေးရိုးသားရိုး အလည်လာခြင်း မဟုတ်ပဲ ဖခင်ဖြစ်သူ နေမကောင်းလို့ အိမ်ယာထဲ လဲနေလို့ အကြောင်းကြား အသိပေးလို့ လာကြမှာလေ။ အသက်ကလည်း (၇၀)ကျော် (၈၀)နားနီးပြီမို့ သွေးတိုးနဲ့ ကျောက်ကပ်ကလည်း မကောင်းတဲ့ အတွက် ခြေထောက်နဲ့ ဗိုက်တွေ ဖောယောင်ကာ အစာလဲံမဝင်၊ ဆေးလဲ မကယ်နိုင်တော့တဲ့ အချိန်မို့ အဝေးရောက် သားသမိးတွေကို အရေးပေါ် ခေါ်ရခြင်းပါ။ အိပ်ယာပေါ်လဲနေတဲ့ လူနာကို တလှည့် ခြံဝကိုလည်း လှမ်းကြည့်ရင်း တစ်ယောက်ထဲ စိတ်စောနေမိတာ အမှန်ပါပဲ။ စိတ်ထဲမှလည်း ကလေးတွေ သူ့တို့အဖေကို မှီမှ မှီကြပါ့မလားဆိုတဲ့ အတွေးကလည်း ကြီးဆိုးနေမိပြန်တယ်။

Sunday, January 22, 2012

တစ်ညတာ နေရာ


ပင်လယ်ပြင်ရဲ့ တဝုန်းဝုန်း လှိုင်းတွေနဲ့အတူ ကမ်းစပ်ကို လာရိုက်တဲ့ ကြက်ခွပ် လှိုင်းလေးတွေကို သူမက ခြေထောက်နှင့် ထိရုံလေး ဆော့ကစားနေသည်။ လေအလွင့်မှာ သူမနားသယ်စပ်က ဆံနွယ်တစ်ချို့က ထုံးဖွဲ့မှုအောက်မှ ရုန်းထွက်လာသလို အနည်းငယ်မျှသော ဆံနွယ်တစ်ချို့က ကပိုကရိုနဲ့ သူမရဲ့ ရင့်ကျက်သော အလှကို ပံ့ပိုးနေသလိုပင်။ သူမက ကျွန်တော်ကို အတော်ကြာမှ " အဆင်ပြေတယ် နေကောင်းတယ်မလား " လို့ခပ်တိုးတိုး အမေးကို ခေါင်းငြိမ်လို့ ပြန်ဖြေတော့ သူမနဲ့ ကျွန်တော်ကြားမှာ ပြောစရာ စကားလုံးတွေ မရှိတော့သလို။ သူနဲ့ တစ်နေ့ ပြန်ဆုံမယ် မထင်ထားခဲ့သလို ယခုနေရာမျိုးမှာ ဆုံဖြစ်ကြမယ်လို့ ပိုလိုတောင် မထင်ထားတဲ့ ကျွန်တော်။

" ကုမ္ပဏီရဲ့ အစည်းဝေးတစ်ခုကို ဒီမှာ လုပ်လို့လေ နိုင်ငံခြားက ဧည့်သည်တစ်ချို့လည်း ပါတာကြောင့်..." လို့သူမက ကျွန်တော်မမေးသော သူမရောက်လာခြင်းအကြောင်းကို သူမဘာသာ ရေရွတ်သလို ပြောနေပြန်သည်။ ဟုတ်ပါတယ်လေ ကျွန်တော်နားနဲ့ မဆန့်အောင်ပဲ သူမရဲ့ အောင်မြင်မှုတွေက အံ့မခန်းပါပဲ။ စီးပွားရေး နယ်ပယ်မှာ သူမကို မသိသူ မရှိလောက်အောင် သူမရဲ့ စွမ်းဆောင်ရည်က ထင်ရှားလွန်းလို့ သူမအကြောင်း ဖြစ်နိုင်လျှင် မပြောပဲနေလေ့ရှိသော မေမေကပင် ထုတ်ဖော်ပြောရလောက်အောင်ပဲ သူမက ထူးချွန်ထက်မြတ်သူပင်။ " စာတွေရေးနေတုန်းပဲလား " လို့ ခပ်တိုးတိုးမေးတော့ " အင်း " လို့ တစ်ခွန်းထဲသာ ဖြေရင်း ကျွန်တော်သူမရဲ့ မျက်ဝန်းထဲက အရိပ်တစ်ချို့ ရှာဖွေနေမိသည်။ သို့သော် ကျွန်တော်ရဲ့ ညံ့ဖျင်းမှုကြောင့်လား၊ သူမရဲ့ လှိုဝှက်နိုင်မှု ကြောင့်လား၊ မသိ အချည်းအနှီးသာ ဖြစ်ရသည်။

Saturday, December 17, 2011

တိမ်ညို ဘာကြောင့် မှိုင်းရတယ်



မနက်(၇)နာထိုး ဆိုင်ဖွင့်ပြီ ဆိုတာနှင့် အဆင်သင့် စောင့်ဆိုင်းနေသော လူအုပ်ကြီးကြောင့် ဒီအမိန့်ရ အပေါင်ဆိုင်လေးသည် အနီးအနား ပတ်ဝန်းကျင် အတွက်တော့ အာကိုးအားထား ပြုစရာ ငွေ၊ကြေး လဲလှယ်ပေးရာ နေရာလေး တစ်ခုအဖြစ် ထင်ပေါ် ကျော်ကြားလှပေသည်။ အတိုးနှုန်းလည်း သက်သာသလို ဆက်ဆံရေးလည်း ပြေပြစ်လှသောကြောင့် တော်တော်ဝေးဝေးမှပင် လာရောက် ပေါင်နှံကြ ရသည့်အထိ သတင်းမွှေးလှသည်။ 

မပြေလည်သမျှ စီးပွားရေး အခက်ခဲကြောင့် အောက်ခြေ လူတန်းစားများနှင့် အလယ်အလတ်တန်းစား များပါ အားထားကြရသော အပေါင်ဆိုင်လေး ဆိုရလျှင်လည်း မမှားချေ။ မြင့်ဇော်တစ်ယောက် သင်တန်းတွေနဲ့ ဟိုမရောက် ဒီမရောက် စပ်ကြား အချိန်လေးရခိုက် အပေါင်းဆိုင်မှာ စာရေးဝင်လုပ်နေ ခြင်းပင်။ ရန်ကုန်နွေရဲ့ ထုံးစံအတိုင်း မနက်လင်းလို့ နေရောင်လာ သည်နှင့်အတူ အရိပ်ထဲတွင်ပင် နေရသော်လည်း ချွေးပြိုက်ပြိုက် ကျရလောက်အောင် ပူလောင်လှသည်။

အလုပ်သင်ဘဝ ပထမဥိးဆုံး ရက်ဖြစ်တယ်ဆိုပေမယ့် ဆိုင်ပိုင်ရှင်နဲ့ အတူ တွဲလုပ်ရတာမို့ တော်တော်လေး အဆင်ပြေသည်ဟု ဆိုရမလိုပင်။ ဆိုင်ပိုင်ရှင် ကိုကျင်ဆွေသည် တရုတ်လူမျိုး တစ်ယောက် ဖြစ်ပြီး ပင်ကိုယ်စကားပြော သိမ့်မွေ့သူလည်း ဖြစ်သလို အသက်(၃၃)နှစ်မှ အိမ်ထောင်ကျပြီး စိတ်ကးဥာဏ်ကောင်းသူ ပီပီ အမိန့်ရ အပေါင်ဆိုင်လေး ဖွင့်ဖြစ်ခြင်း ဖြစ်သည်။ မြို့စွန်ဆိုပေမယ့် အချက်အချာကျသော နေရာတွင် ဖြစ်သောကြောင့် မသိသူမရှိလောက်အောင်ပင် အောက်ခြေ လူတန်းစားတို့ရဲ့ ပါးစပ်ဖျား ရေပန်စားရသော အပေါင်ဆိုင်ကြိးပင် မဟုတ်ပေလား။ 

လုပ်ရင်း သင်ရင်းနဲ့ပင် မြင့်ဇော် တစ်ယောက် လုပ်ငန်းသဘော နားလည် လာသလို အလုပ်လုပ်ရာ တွင်လည်း တော်တော်လေး အဆင်ပြေ လာသည်။ ဒီအလုပ်လုပ်မှပဲ လူ့ဘဝရဲ့ ဒုက္ခ တစ်စိတ် တစ်ဒေသကို ဂဂနန မဟုတ်တောင် အကြမ်းဖျင်း နားလည်လာသလိုလိုပင်။ နေ့လည်ပိုင်း ရောက်လာတော့ လူတော်တော်လေး ကျဲသွားချိန် ကိုကျင်ဆွေမှ မနက်ပိုင်း လက်ခံထားသော အထည်ပစ္စည်းများ၊ အားသိမ်းဆည်းပုံ ရှင်းလင်းပြောပြတော့ တော်တော်လေးကို နားလည် လာသလိုလိုပါပဲ။

ထိုအချိန် ဆိုင်ရှေ့မှ ဖျတ်ခနဲ ကျလာသော လူရိပ်ကြောင့် ကိုကျင်ဆွေအား လှမ်းကြည့်တော့ ကျွန်တော်အား မျက်စပစ်၍ သွားဆိုသည့် သဘော။ ခပ်သွပ်သွပ်လေး ကောင်တာမှာ ထိုင်ရင်းမျက်စီရှေ့သို့ သံဇကာ ပေါက်လေးထဲမှ တိုးဝင်လာသော အထုတ်လေး တစ်ထုပ်။ ကျွတ်ကျွတ်အိပ်နှင့် ထုပ်ထားသော အထုတ်လေးအား အသာဖြေကြည့်တော့ အသားကပ်တံစိပ်တောင် မခွာရသေးသော ပလေကပ် ပုဆိုးအသစ်တစ်ထည်။

" ဘယ်လောက်နဲ့ ထားမှာလဲ "

ကျွန်တော်ရဲ့ အမေးစကားကြောင့် သံစကာ တစ်ဖက်ခြမ်းမှ တိုးလျှတဲ့ အသံဖြင့်

" ၁၅၀၀ "

အသံလာရာသို့ ဝေ့ဝဲကြည့်မိတော့ ကြည်လင်တဲ့ မျက်နှာညိုညိုလေးဖြင့် အသက်(၁၂)နှစ်အရွယ် ကလေးတစ်ယောက်။ ဝါကျင်ကျင် တီရှပ်လေးက ဟောင်းနွမ်းမှုကို အထင်းသား ထင်ဟပ်စေသော်လည်း ဖြူစင်နေလျှက်။

" ၁၅၀၀ မရဘူး ထင်တယ် "

ကျွန်တော်ရဲ့ အပြောစကားကြောင့် ဟန်မဆောင်တက်တဲ့ ကလေးငယ်ပီပီ ညိုးကျသွားတဲ့ မျက်ဝန်းများဖြင့် ကျွန်တော်အား အားယူကြည့်ရင်းမှ

" အဘွားကပြောတယ် ၁၅၀၀ ရတယ်တဲ့ "

Wednesday, November 9, 2011

ရင်ထဲကလှိုင်း


 တစ်သိမ့်သိမ့် ရှိုက်ငိုနေသော သူငယ်ချင်းမလေးနွေးကို ကြည့်ပြီး နှစ်သိမ့်ပေးဖို့ စကားလုံးတွေ ဆွံ့အနေခဲ့ရတဲ့လှိုင်း ။နွေးရဲ့နောက်ကျောမှ အသာယာ ထွေးပိုက်ပြီး အားပေးဖို့ စကားလုံးတွေ ရှာမတွေ့နိုင်သလို လှိုင်းကိုယ်တိုင်လည်း မျက်
ရည်လွယ်သူမို့ မျက်ဝန်းမှာ ဝေ့ဝိုင်းလာတဲ့ မျက်ရည်စတွေကို နွေးမသိအောင် ပုတ်ခက်ရင်း...နွေးရဲ့ကျောပြင် လေးကို အသာယာထွေးပိုက် နေမိတယ်..။ နှစ်သိမ့်ပေးချင်သူရဲ့ ဆန္ဒတွေဟာ အရာ မဝင်ပေမယ့် လှိုင်းရင်ထဲက ကြေကွဲမှုတွေကို နွေးတစ်ယောက် နားလည်မှာပါလို့ တွေးရင်း လှိုင်းကို အားကိုးတစ်ကြီး ဖက်ထားတဲ့ နွေးရဲ့ ခန္ဒာကိုယ်လေးအား ခပ်တင်းတင်း ပြန်လည်ထွေးဖက်မိရင်း...။
.......................................။.................................

နွေးနဲ့လှိုင်းဟာ ငယ်သူငယ်ချင်းတွေဖြစ်သလို တစ်ရပ်ကွက်ထဲ နေကြသူတွေမို့ အမြဲတမ်း သွားအတူတူ၊ လာတူတူနဲ့ အရမ်းလည်း ချစ်ကြတဲ့ သူငယ်ချင်းတွေပါ.။ နွေးက အသားဖြူဖြူ၊ ဆံပင်ရှည်ရှည် သေးသေး သွယ်သွယ်မို့ လှိုင်းနဲ့ယှဉ်ရင် အရပ်နည်းနည်း ပုတယ်ဆိုပေမယ့် မိန်းမချောလေးနွေးက တစ်ကယ်ကို လူချစ်လူခင် ပေါများသူလေးပါ...။ ကျောင်းတက်စဉ် ကာလ တစ်လျှောက်လုံးလည်း ထင်ပေါ်တဲ့နွေးကြောင့် ဘာမဆိုင်၊ ညာမဆိုင် လှိုင်းကပါ အလိုလို နာမည် ကြိးခဲ့ရသေးတယ်..။ချစ်သူတွေ ဝိုင်းဝိုင်းလည်ခဲ့သူနွေး တစ်ယောက် စိတ်ကြိုက် ရှာမတွေ့သလို သူမရင်ခုန်ရမယ့်သူ မတွေ့လို့ဆိုပြိး ကြေးကခပ်များများ ဝိုင်းဝန်း ပိုးပန်း သူတွေကို ကြံကြံဖန်ဖန် ပြစ်တင် ပြောဆိုတက် သူလေးပါ..။နွေးက ပြည့်စုံတဲ့မိသားစုက ဖြစ်သလို၊ မောင်နှမ နှစ်ယောက်ထဲရှိတဲ့ နွေးက လှိုင်းကိုဆို အရမ်းလည်းဆိုး အရမ်းလည်းတွယ်တာသူလေးပါ..။စားစရာ၊ အသစ်အဆန်းဆိုရင်လည်း လှိုင်းအိမ်ကို မရောက်ရောက်အောင် လာပို့ရင်ပို့ မပို့ရင် လှိုင်းကို အလည်ခေါ်ပြိး သတိတရ ခေါ်ကြွေးတက်သူလေးပါ။

Saturday, October 15, 2011

ဒုတိယအကြိမ်မြောက် လမ်းခွဲခြင်း




















တစ်ကယ်ဆို မောင်နဲ့ ကျွန်မက အယူဆခြင်းမတူ၊ ခံယူချက်ခြင်း မတူနဲ့ အတိုက်အခံတွေ များစွာ ထဲကပဲ ချစ်သူဖြစ်ခဲ့ ကြသူတွေပါ။ မောင်နဲ့ ကျွန်မတို့နှစ်ဥိး ဆုံဖြစ်ကြတဲ့ ကြည်နူးရတဲ့ အချိန်ဆိုတာ ခဏလေးမှ ခဏလေးပါပဲ။ များသောအားဖြင့် စကားများ ၊ ငြင်းခုန်၊ စိတ်ဆိုး စိတ်ကောက်နဲ့။ တစ်ခါတစ်ရံလည်း မတူညီတဲ့ အယူအဆတွေအပြိုင် ငြင်းခုန်ကြရင်း အချိန်တွေ ကုန်မှန်းမသိ ကုန်ကြရသည်။

" မောင် ကျွန်မ စကားပြောနေတာ နည်းနည်းတော့ ဂရုစိုက်ပါအုံး.. တစ်ယောက်တည်း ပြောနေရတာ အရူးနဲ့ တူနေပြီနော် "

မောင်သည် ကျွန်မ၏ စကားကို မကြားချင်ယောင်ဆောင်ကာ တစ်ဖက်သို့ လှည့်သွား၏။

" ဟာ... မောင် ကျွန်မပြောနေတယ်နော်..."

ကျွန်မရဲ့ အသံဟာ ဒေါသ တစ်ချို့တစ်ဝက်နဲ့ စိတ်မရှည်ဟန် အပြည့်။ ခဏနေတော့မှ မောင်က ကျွန်မရှိရာသို့ မျက်နှာမူ ပြန်လှည့်လာရင်း

" မောင်ပြောတဲ့ စကားဆို လုံးဝ ဂရုမစိုက်တာလား၊ မောင် ဘာပြောပြော လုပ်ချင်ရာ လုပ်မယ်ဆိုတဲ့ သဘောလား နှင်း "

" ကျွန်မ တမင်တကာ လုပ်လိုက်တာ မဟုတ်ဘူးမောင်၊ မရည်ရွယ်ပဲ ဖြစ်သွားတဲ့ ကိစ္စတွေမှာ မောင့်ရဲ့ ဆန္ဒကို ဆန့်ကျင်ဖို့ ဆိုတဲ့ အသိမပါဘူး မောင် "

" မောင် မကြီုက်ပါဘူးလို့ အကြိမ်ကြိမ် ပြောထားတာ နှင်းမသိတာလား၊ ဒါမှမဟုတ် နှင်းအတွက် မောင်က ဘာမှအရေးမပါတဲ့ ကောင်ပေါ့လေ ဟုတ်လား နှင်း....."

" မောင်နော် ပြဿနာ ဘာမှမဟုတ်တာကို အကြီးကြီး ဖြစ်အောင် မလုပ်ပါနဲ့ "

" ပြဿနာ ဖြစ်အောင် လုပ်နေတာ နှင်း... မောင်မဟုတ်ဘူး .... မကြိုက်ဘူးလို့ ပြောထားတဲ့ အရာမှန်သမျှ ချိုးဖောက်ပြစ်ဖို့ နှင်းကြိုးစားနေတာ နှင်းတမင်လုပ်နေတာ ဆိုတာ မောင်သိတယ် "

" မောင် ကျွန်မကို အဲလို တစ်ဖက်သတ် မစွပ်စွဲနဲ့ ... အဖြစ်မှန်တွေက အဲလို မဟုတ်ဘူး... လုံးဝမဟုတ်ဘူး.. "

အပြန်လှန် ငြင်းခုန်ကြရင်း အချိန်တွေ ကုန်မှန်းမသိ ကုန်လာသော်လည်း မောင်နဲ့ကျွန်မသည် အတိုက်အခံများဖြင့်သာ လုံးချာ လည်နေတက်သည်။

xxxxxxxxxxxxxxxxxxxxxxxxxxxxxxxx

Friday, October 7, 2011

ဓါးသွေးကျောက်


























" ညီညီ ဘာတွေ လုပ်နေပြန်ပြီလဲ "

" ခဏလေးပါ သပြေညို ငါ ဒီမှာ စကား ပြောစရာ ရှိနေလို့ ခဏလေး "

" အေး မကြာစေနဲ့နော် ငါ ဒီမှာ ရပ်စောင့်နေရတာ တစ်ယောက်ထဲ  ကြောင်တယ် "

" အင်းပါ မကြာစေရဘူး ခဏလေးပဲ "

ပြောပြော ဆိုဆို ညီညီတစ်ယောက် အရေးတကြီး သုတ်ခြေတင် ထွက်သွားသည်။ သိပ်မကြာလိုက်ပါဘူး ညီညီ တစ်ယောက် အပြေး တပိုင်းနဲ့ ပြန်ရောက်လာသည်။

" နေပါအုံး ညီညီ နင်က ဘာတွေ အရေးတကြီး ဖြစ်နေတာလဲ "

" ဒီလို သပြေညိုရဲ့ ငါ (၁၀)တန်း ကျောင်းသားတွေ အတွက် ကျုရှင်သင်ဖို့ ပြောထားတာ အဲဒါ သေချာအောင် သွားမေးနေတာလေ "

" နင့်ဟာကလည်းဟာ သေချာမှလဲ လုပ်စမ်းပါ တော်ကြာ နင့်အိမ်က သိရင် ပြဿနာ ဖြစ်မှာနဲ့ ၊ပြိးတော့ စာမေးပွဲလည်း နီးနေပြီနော် ညီညီ "

" ငါ ပိုင်ပါတယ်ဟ စာမေးပွဲက အကြောင်းမဟုတ်ဘူး၊ အိမ်က သိရင်သာ ပြဿနာ တက်မှာ "

" အေးလေ ငါလည်း အဲဒါပဲ ပြောနေတာ "

" တက်ကာမှ တက်ရော သပြေညိုရာ ငါက ငါ.....ဝါသနာ မပါတဲ့ အလုပ်မှ မလုပ်ချင်တာ ၊ ကျောင်းမပြိးခင် အလုပ်လေး စထားမှ တော်ရာ ကြမယ်၊ မဟုတ်ရင် ငါလုပ်ချင်တာ မလုပ်ရပဲ ဖြစ်နေမယ် "

" နင့် ဝါသနာကလည်း တစ်မျိုးကြီးပဲ ညီညီရာ "

" သပြေညို ကလည်းဟာ သူများတွေ အထင်မြင်သေးလို့ ဘယ်လောက်ပဲ ရှုပ်ချရင် ချစမ်းပါစေ နင်ကတော့ ငါ့ကို နားလည်မှု အပြည့်နဲ့ ယုံကြည်မှု  ရှိနေပေးပါဟာ    ငါ့..ဘက်မှာ နင်ကလွဲရင် ဘယ်သူမရှိတာလည်း နင်အသိပဲ "

" အေးပါ ငါမပြောတော့ပါဘူး ဘာပဲ လုပ်လုပ် သတိ၊ဝိရိယနဲ့ လုပ်နော် ညီညီ "

" အင်းပါ ငါသိပါတယ် နင့်ကို ငါပြောရအုံးမယ် သိလား သပြေညို။  မနေ့ကလေ ငါ စာသင်ဖို့ ကိစ္စနဲ့ ပါတ်သက်ပြီး ကိုသောင်းကျော်နဲ့ သွားတွေ့တုန်း မင်္ဂလာဒုံဘက်က ကျောင်းတစ်ကျောင်းမှာ ဆရာမလာလို့ အတန်းလစ်နေတာနဲ့ ငါ လက်စွမ်း ဝင်ပြခဲ့တာ ကျောင်းသားတွေ တော်တော် သဘောကျတယ် ဆိုပဲဟ "

" ညီညီ နင့်တစ်ယောက်ဟာလေ သူများတစ်ကာ တွေလို ရူးချင်လဲ ကောင်းကောင်းကန်းကန်း ရူးတာမဟုတ်ဘူး၊ ကျူရှင် ဆရာ ဘဝကိုမှ ရူးသွပ်ရတယ်လို့ "

" သပြေညိုကလည်းဟာ ပြောထားရက်နဲ့ .. "

ညီညီ တစ်ယောက် သပြေညို့ စကားကြောင့် စိတ်မကောင်း ဖြစ်သွားဟန် တူသည်။ စကားကို ရှေ့ မဆက်ပဲ တစ်ဝက် တစ်ပျက်နှင့် ရပ်ကာ ဟိုးအဝေးသို့ ငေးမော ကြည့်နေတော့သည်။

####################################

Friday, September 9, 2011

နားလည်စေချင်ပါသည်


ဥာည့်နက်လာလေလေ ည၏ တိတ်ဆိတ်မှု ကြီးစိုးလျှက် အမှောင်ထုက ပိုပို သိပ်သည်းလာနေ၏။ ငိုသည်ဟု အမည်နာမ တပ်လို့မရပေမယ့် တားဆီးမရစွာ ကျဆင်းလာတဲ့ မျက်ရည်တွေကြောင့်လား၊ ရင်တွင်း ပူလောင်မှုကြောင့် အိပ်စက်မရတဲ့ အတွက်ကြောင့် လားတော့ မသိ ဒေါ်မြယာ၏ မျက်လုံးတွေ ကျိမ်းစက်နေသည်။ အိပ်မပျော်သူတွေရဲ့ ထုံးစံအတိုင်း ဘယ်ညာလိမ့်ရင်း အမြင်အာရုံ မသဲကွဲသော ခြင်ထောင်အမိုးကို စိုက်ကြည့်နေမိသည်။ သူမသည်ပင် အိပ်မပျော်သည်လား။ ဒါမှမဟုတ် သမီးလေးရော သူမလိုပဲ အိပ်ပျော်ပါ့မလား ဆိုသော အတွေးနဲ့အတူ အိပ်ယာမှ လူးလဲထရင်း တစ်ဖက်အခန်းသို့ ကူးဖို့ပြင်မိသည်။ သမီးလေး တစ်သက် ဒီအိမ်၊ ဒီမြေသည် ဒေါ်မြယာ အတွက်တော့ အလင်းရောင် မလိုတာ အမှန်ပါပဲ။ ဟရုံလေးသာ ဟနေသော တံခါးရွတ်လေးမှ အသာတွန်းဝင်ရင်း ညအိပ်မီးပင် မပိတ်ပဲ အိပ်ပျော်နေသော သမီးအား ချည်ထည်စောင် ပါးပါးလေး အသာခြုံပေးလိုက်သည်။ အတော်အတန် ငိုထားသည်မို့ မို့အစ်နေသော မျက်ခွံ အစ်အစ်လေးနဲ့ အတူ အိပ်မောကျနေသည်တိုင် သမိးထံမှ ရှိုက်သံ သဲ့သဲ့တို့က ဒေါ်မြယာ၏ ရင်ကို ဆူးသဖွယ် ထိုးဆွ၏။

တစ်ဦးတည်းသော သမီးမို့ ၇င်နှင့်အောင်ပဲ ချစ်ပါသည်။ ငယ်စဉ်အရွယ် မရောက်ခင်ကပင် ဖခင်ဆုံးရှုံး ခဲ့ရသော ဖတဆိုး သမီးမို့လည်း အသနားပို အကြင်နာ ပိုမိသည်။ ပုံအောထားသော မျှော်လင့်ချက်တို့လည်း ထိုသမီးပေါ်တွင် မြောက်များစွာရှိ၏။ ဖြစ်စေချင်၍ တိုက်တွန်းသလို ကိုယ်တိုင်က ဖြစ်မြောက်စေ ချင်သော်လည်း သမီးသည် လုပ်ချင်ရာ ဇွတ်လုပ်တက်သော ဥာဉ်ဆိုးနှင့် ဒေါ်မြယာရဲ့ ဆန္ဒကို ကန့်ကွက်၏။ သမီးသည် ထက်မြက်သလောက် မလိုအပ်ပဲ ခေါင်းမာသည့် နေရာတွင်လည်း သူမတူအောင် ခေါင်းမာ၏။ ချစ်သော သမိးအား ပညာတက်ကြိး တစ်ယောက် ဖြစ်စေချင်လွန်း၍ တွန်းပို့မိသော မိမိသည်ပဲ မှန်သည်လား မှားသည်လားမသိ။ အောင်မြင်စေချင်လွန်း၍ ဘော်ဒါပို့၍ တက္ကသိုလ် ဝင်စာမေးပွဲ ဖြေဆို စေသော ဒေါ်မြယာရဲ့ ဆန္ဒအား သမီးသည် အသဲသန် ကန့်ကွက်ကာ ဆန့်ကျင်၏။ ခေါင်းမာလွန်းသော သမီးနှင့် စိတ်မြန်လွန်းသော မိခင်တို့ ထိတ်တိုက်တွေ့သော အခါ စကားလုံးကြမ်းကြမ်း ဖြင့်တောင် မဆူဖူးသော သမိးအား ရိုက်မိခဲ့သည့် အထိပါပဲ။ လောကတွင် အမေတစ်ခု သမိးတစ်ခုသာ ရှိသော ကမ္ဘာလေးတွင် ထိုအဖြစ်ပျက်သည် မုန်တိုင်းသဖွယ် လှပသော ညနေခင်းတစ်ခုအား ဖျက်စီး၏။ သမိးသည်လည်း ဝမ်းနည်းနေပေလိမ့်မည်။ သူမကိုယ်တိုင်လဲ ကြေကွဲရ၏။

ရှိုက်သံတစ်ဝက်ဖြင့် အိပ်မောကျနေသော သမီးအား စိုက်ကြည့်ရင်း ဒေါ်မြယာ၏ အတွေးများက လွန်ခဲ့သော အချိန်ကာလ တစ်ခုဆီသို့ ပြန်လည် ရောက်ရှိသွားလေသည်။

##############################

Saturday, July 9, 2011

သူမနှင့် ထိုယောက်ျားနှစ်ယောက်

သူမ မျက်နှာကို မရဲတရဲ မောကြည့်လျှက်မှ သူ့ရဲ့ မျက်ဝန်းတွေက နီးစွေးနေလျှက်။ သေချာပြီ မကြာသေးခင် အချိန်က သူငိုထားသည်မှာ အသေအချာပင် ဖြစ်ပေမည်ဟု တစ်ထစ်ချ ယုံကြည်နေ၏။ သူမသည် သူ့အား စူးစူးစိုက်စိုက် ပြန်ကြည့်ရင်း

" အခုကိစ္စမှာ ဘယ်သူက မှားပြိး၊ ဘယ်သူက မှန်လဲ...ဘာလို့ အပြစ်ရှိသူကို အပြစ်စကား တစ်ခွန်းမဆိုပဲ အပြစ်မဲ့သူက ဘာလို့ငိုရတာလဲ ပြော "

သူမရဲ့ အသံသည် ဒေါသကြောင့် လိုသည်ထက် ပိုကျယ်လောင်နေ၏။ သူသည်လည်း သူမရဲ့ ဒေါသကို နားလည်နေသည့် အလား ဘာလုပ်လို့ ဘာကိုင်ရမှန်းမသိအောင် ဗျာများနေ၏။

" ဟာ... မေးနေတယ်လေ "

" မဟုတ်ဘူးလေ မာမာ "

သူသည် ရုတ်တရက် စကားလုံး ရှာမရအောင် ဘာပြောရမှန်းမသိ ဖြစ်နေပုံပင်။ သူမ စိတ်ကျေနပ်စေရန် တစ်စုံတစ်ရာ ပြောဖို့ ဥိးနှောက်ကို အလုပ်ပေးသော်လည်း ဘာစကားတစ်ခွန်းမှ ထွက်မလာ။

" အဲဒါဆို ဘာလို့ ငိုထားတာလဲ "

" တစ်ကယ်တော့ မာမာမှ အပြစ်မှမရှိတာ ဘယ်သူတွေ ဘာပြောပြော မာမာကို ကျွန်တော် နားလည်တယ်၊ မာမာ ဘာလုပ်လုပ် ခွင့်လွတ်နိုင်တယ်၊ ပြိးတော့ မာမာကို ကျွန်တော် အရမ်းချစ်တယ်၊ မာမာ လုပ်နေတဲ့ အပြစ်တွေထက် မာမာရဲ့ အပြုံးတွေ ပျောက်မှာကို ကျွန်တော် သေမလောက်ကြောက်တယ် "

" မာန မရှိဘူးလား ၊မနာကျည်း တက်ဘူးလား ဒီလောက်တောင်ပဲ အ ရသလား ဟင်"

" ဟုတ်တယ် မာမာ ကျွန်တော်မှာ မာန မရှိဘူး အထူးသဖြင့် မာမာနဲ့ ပါက်သက်ရင် ကျွန်တော်က ကြိုးခွေ တစ်ခွေလိုပဲ၊ မာမာရဲ့ ဆန္ဒနဲ့ အသက်ဆက် ရှင်ချင်တာ ။ မာမာသာ ပျော်မယ်ဆို ကျွန်တော်ဘဝ ဘာပဲ ဖြစ်နေပါစေ ဘယ်သူတွေ ဘယ်လို ပြောကြပါစေ ဂရုမစိုက်ဘူး မာမာ .. "

" အနော်မာ ဆိုတဲ့ မိန်းမ တစ်ယောက်ရဲ့ အရှုပ်တော်ပုံ သတင်းတွေ နားနဲ့ မဆန့်အောင် ကြားနေရတာတောင် ယုံကြည်တယ်တဲ့လား.. ဘာအတွက်လဲ ဘာကြောင့်လဲ ..."

" ကျွန်တော်ရဲ့ စွဲဆောင်နိုင်မှု စွမ်းရည်က အသုံးမဝင်လို့၊ ကျွန်တော် အရည်ချင်း မရှိလို့ မာမာက သူများတစ်ယောက် ဆီရောက် သွားတာ ကျွန်တော်မှာပဲ အပြစ်ရှိတယ်။ ကျွန်တော်မှာ မာမာ လိုချင်တဲ့ ထက်ထက်မြတ်မြတ် ယောက်ျားတစ်ယောက် ပုံစံမျိုး ရှိမနေဘူး၊ အရာရာ ပျော့ညံ့တယ် ၊အားငယ်နေတယ်၊ မာမာကို ချစ်တာ တစ်ခုကလွဲပြိး မာမာရဲ့ အခက်ခဲတွေ၊ ဒုက္ခတွေ ကျွန်တော် ဘာမှ မကူညီနိုင်ဘူး ကျွန်တော်ကြောင့် မာမာ စိတ်ပူစေရတာကလွဲရင် ကျွန်တော်က ဘာများ မာမာအတွက် ကောင်းကျိုးတွေ ဖြစ်စေခဲ့တဲ့သူမို့လို့ မာမာကို အပြစ်တင်ရမှာလဲ။ ကျွန်တော်မှာ မာမာ မကြိုက်တဲ့ ယောက်ျားတန်မဲ့ မျက်ရည် ကျတက်တဲ့ အလွယ်တကူ ငိုလိုက်ဖို့နဲ့ စိတ်အားငယ်ဖို့ ကလွဲပြိး ဘာများ ရှိလို့ လဲ မာ့မာ။ မာမာလဲ ရွေးချယ်ခွင့် အပြည့်ရှိတဲ့ လွတ်လပ်တဲ့ မိန်းမပျို တစ်ယောက်ပဲလေ၊ အဲလိုပဲ မာမာ တရားဝင် အိမ်ထောင် မပြုမချင်း မာမာကို မျှော်လင့်နေခွင့် ကျွန်တော်မှာ ရှိတယ်။ မာမာ ပင်ပန်းရင် နားခိုဖို့ ရင်ခွင်တစ်ခု အမြဲတမ်း မာမာ အတွက် အသင့်ဖွင့်ထားတယ် ။ ဘယ်အရပ် ဘယ်ဌာနေ ကိုပဲ သွားသွား မာမာ အတောင်းညောင်းလို့ နားချင်လာတဲ့ တစ်နေ့ ကျွန်တော် ရင်ခွင်က မာမာ့အတွက် အမြဲ အဆင်သင့် ဖြစ်နေအောင် ပြင်ဆင်ပြိး စောင့်နေတာ။၊ မာမာကို အပြစ်တင်ဖို့ မပြောနဲ့ မာမာ ကျွန်တော်ရဲ့ အပြုအမှုကြောင့် ငြိုငြင်သွားမျာတောင် ကျွန်တော် မလိုချင်ဘူး။ မာ့မာ စိတ်ကို ကျွန်တော်သိတယ် ။ ဟင်..ဆိုရင် ဘယ်တော့မှ လှည့်မကြည့် တက်တဲ့ မာမာ ဆီက အမုန်းတွေ ဥပေက္ခာတွေ ရအောင် ဘယ်တော့မှ ကျွန်တော် မကြိုးစားဘူး မာမာ ။ မာမာ ပျော်မယ် ထင်တာတွေသာ လုပ်ပါ ။ ကျွန်တော်ကို ငဲ့ညာစရာ မလိုသလို မာမာ လုပ်ချင်တာတွေ လုပ်နေသည့်တိုင်အောင် ကျွန်တော်က မာမာကို ဘယ်တော့မှ အပြစ်တင် စကားဆိုမည့်သူ မဟုတ်ဘူးဆိုတာ မာမာ သိမှာပါ ။ "

" အဲဒါ ချစ်တာ မဟုတ်ဘူး ရူးမိုက်တာ "

" မာမာကို ကျွန်တော် အဲဒီလောက်ထိ အောင်ပဲ ချစ်ခဲ့တာပါ မာမာ "

Monday, July 4, 2011

အလွမ်းလျှော်ကြေး

" နိုရာ ကို ကျွန်တော် ပြောစရာ ရှိလို့ နိုရာရဲ့ "

" အင်းပြောလေ ချစ် ရဲ့ "

" ကျွန်တော်ပြောမှာက ပုံပြင် တစ်ခုပါ နိုရာ ရဲ့ "

" အင်းပြောလေ "

ကျွန်တော် ရဲ့အပြောကို သူမက အာရုံအပြည့်နဲ့ နားစိုက်ထောင်နေ တော့ကျွန်တော် မှာ ရယ်ချင်စိတ်ကို မနည်းထိန်းပြိး စကားစဖို့ ဟန်ပြင် လိုက်သည်။

" ဒီလို နိုရာရဲ့ ဟိုးရှေးရှေး တုန်းက ကောင်လေး တစ်ယောက် ရှိတယ် "

" အင်း "

သူမက ကျွန်တော်ရဲ့ စကား အစမှာပဲ ထောက်ခံမဲ အပြည့်နဲ့ ဂရုတစိုက် ရှိလှပါတယ်။

" ပြိးတော့ သူက ဘာမှလည်း မသိဘူး "

" အင်း "

ကျွန်တော် စကားစကို ခဏရပ်လိုက်ပြိး ဟိုငေး ဒီငေး လုပ်နေ လိုက်သည်။ အချိန် နည်းနည်း ကြာတော့ သူမက

" အင်း ဆက်ပြောလေ ချစ်..ရဲ့ ဘာဖြစ်လဲ "

" သြော် ဟုတ်...နိုရာ  သူက ဘာမှလည်း မသိဘူး လေ"

" အင်းလေ အဲဒီရောက်နေပြီ ဆက်ပြောလေ "

" အင်း ဟုတ်တယ် သူက ဘာမှ မသိဘူး "

" အင်းပါ ဟုတ်ပါပြီ ဆက်ပြောပါဆိုနေ "

" သြော် ...နိုရာ  ကတော့ ခက်ပြီ သူကဘာမှ မသိပါဘူး ဆိုမှပဲ ဘာမှ မသိဘူးပေါ့ ..နိုရာ ရဲ့ "

ကျွန်တော်ရဲ့ အကြောင်ရိုက် နှောင်ပြောင် မှုကို တော်တော်လေး ကြာမှ သူမက သဘောပေါက် စွာရယ်မောပြိး ကျွန်တော်ကို အပြုံး ဖြင့် လှမ်းကြည့်သည်။

" ချစ်...ကတော့ လုပ်ပြီ သူများက  ကတစ်ကယ် မှတ်လို့ နားထောင်နေတာ ဆိုးပ နော် ... "

တစ်ခါတစ်လေ သူမနဲ့ စနှောက်ရတာ ကျွန်တော် အဖို့ သူမရယ်မောတဲ့ အဆင့်ရောက်ဖို့ သူများ တကာထပ် ပိုကြိုးစားရတယ်။ တစ်ခါတစ်လေ ကျွန်တော်က ဆိုလိုတာ တစ်မျိုး၊ သူမ နားလည်တာက တစ်မျိုးနဲ့ အူကြောင်ကြောင် လဲနိုင်လှတယ်။ သူမက အေးဆေးတယ်လည်း မဟုတ် ခတ်ဆန် တယ်လည်း မဟုတ်နဲ့ သူမက တစ်သီးတစ်သန့် ဆန်နေသလိုလို။ တစ်ခါတစ်လေ တော့လည်း ထက်မြက်နေ လိုက်တာ သူမမှ ဟုတ်ပါလေစ လို့တွေးမိ ရသလောက်ပါပဲ။ တစ်ခါတစ်လေ သူမက လက်သည်း ဝှက်တက်သော ကျားသစ်မ လေးအသွင်နဲ့၊ တစ်ခါတစ်လေ ကျတော့လည်း ခပ်ပိန်းပိန်း မိန်းကလေး တစ်ယောက်ရဲ့ ဟန်ပန် အမူအရာတွေနဲ့ စနောက်လို့ အရမ်းကောင်းတဲ့သူ တစ်ဦးဖြစ် နေတက်ပြန်တယ်။

စိတ်သဘောထား ပြည့်ဝသလို ရင့်ကျက်တဲ့ မိန်းမသား တစ်ယောက် ဟန်ပန် အပြည့်နဲ့ သူမက သူမထက် ငယ်သော ကျွန်တော် အပေါ်လည်း မသိမသာ လူလည်ကြ အနိုင်ယူ တက်ပြန်သေးတယ်။ အဲဒီ အခါမျိုးမှာ မချိုမချဉ် မျက်နှာနဲ့ သဘောတကျ ရယ်မောပုံလေး ကလည်း တစ်ကယ့် အပြစ်ကင်းတဲ့ ကလေးငယ် တစ်ယောက်ရဲ့ ပုံစံ မျိုးတွေ သူမရဲ့ မျက်နှာမှာ ပေါ်လွင် နေလျှက်။ ကျွန်တော်ကိုလည်း " ကလေးလေး ဆိုတာက တစ်မျိုး၊ ချစ်ချစ်လေး ဆိုတာ တစ်သွယ်၊ ကလေး.. ကလည်း၊ ချစ်.. ကလည်း" ဆိုတဲ့ အသုံးနှုန်းတွေနဲ့ အမျိုးမျိုး သုံးရင်း အခေါ်ဝေါ် အမျိုးမျိူးမှာ သူမ တစ်ယောက်ထည်း ချာချာ လည်နေတက်သူလဲ ဖြစ်ပြန်တယ်။

သူမက သူမရဲ့ ဂရုတစိုက် ချစ်ခင်မှု ကိုနှုတ်ကနေ ဖွင့်ဟ မပြော ပြတက်ပေမယ့် သူမရဲ့ လုပ်ဆောင်ချက် တွေကကျွန်တော် ကိုသူမအလေးထား ချစ်မြတ်နိုး ကြောင်း သိသာစေရန်တော့ လုပ်ဆောင်လေ့ ရှိသလို " အရမ်းချစ်တယ် နော် " လို့ မကြာခဏ ဖွင့်ပြောဖို့ မမေ့တက်တဲ့ သူမက ကျွန်တော်ကို " မောင် " လို့ ခေါ်ဝေါ် ဖို့အတွက်တော့ အရှက်သည်း တက်တဲ့ သူတစ်ယောက် ဖြစ်နေတက်တယ်။ ကျွန်တော် ပြောသမျှကို အားမနားတမ်း မညည်းမငြူ နားထောင်တက် တဲ့သူမက ကျွန်တော် တင်ပြဆွေးနွေးတဲ့ အကြောင်းအရာ တော်တော်များများ ကိုလဲ စိတ်ရှည် သည်းခံစွာ မသိချင်ယောင် ဆောင်၍ သူမပဲ တစ်ကယ် မသိသေး သလိုမျိုး၊ ကျွန်တော် ပြောမှသိသလို ပုံစံမျိုး ဖြင့်လည်း ကျွန်တော်ကို တစ်ပတ်ရိုက် တက်ပြန်သေးတယ်။

အလည် လာရောက်ကြသော စာဖတ်သူ မိတ်ဆွေများ ပျော်ရွှင်ချမ်းမြေ့ပါစေ .... နောက်လည်း အိန်ဂျယ်ဆီကို အလည်လာပါဦးနော် ... ကြိုဆိုပါတယ် .... ကျေးဇူးတင်ပါတယ် ရှင် ...

Share

Twitter Delicious Facebook Digg Stumbleupon Favorites More