လွန်ပါစေ..... စိတ္တဇ...... ညတွေ.....

(၁၀)ပေ ပတ်လည် အခန်းကျဉ်းလေး တစ်ခုထဲမှာ လူးလိမ့်ငိုကြွေးရတဲ့ နေ့တွေတိုင်း အမေ အပြုံးတွေ မြင်ယောင်ရင်း ကျွန်မ မျက်ရည်တွေ ကြားကပဲ ပြုံးတက်နေပြီ အမေ။ အမြဲတမ်း ခွင့်လွတ်စိတ်နဲ့ ပြုံးနေတက်တဲ့ အမေ့လို အပြုံးတွေ ပြုံးတက်ဖို့ ကြိုးစားရင်းနဲ့ပဲ ကျွန်မရဲ့ မနက်ဖြန်တွေက တစ်ခါတစ်လေ ကြေမွပျက်စီးသွားတဲ့ အလှကြည့် မှန်တစ်ချက်လိုပဲ ပြန်ဆက်ထားတဲ့ အခါ အက်ကြောင်းရာတွေနဲ့ပေါ့။




မတူညီတဲ့ လောကဓံတရားတွေ ကြုံသလို ရင်ဆိုင်နေရင်းနဲ့ကိုပဲ တစ်ခါတစ်လေ ထိချက်တွေ ပြင်းလို့ ပြန်ထနိုင်ဖို့ အားပျက်သွားတဲ့ အခါ ညစဉ်၊ညတိုင်း တီးတိုးငိုရှိုက်သံတွေ ကြားမှာ နံရံတွေသာ စကားပြောတက်ခဲ့ရင် ခုလောက်ဆို ကျွန်မရဲ့ အခန်းလေးမှာ အော်ဟစ်သံတွေနဲ့ ဆူညံနေမယ် ထင်တယ် အမေ။

မြင်ရခဲတဲ့ အမေရင်ထဲက အခက်ခဲတွေနဲ့ သက်ပြင်းမောတွေကို သိုဝှက်ခဲ့တဲ့ အမေအပြုံးက ကျွန်မနှလုံးသားကို အမြဲသတိပေးလို့ လဲကျရာက ပြန်ထဖို့အတွက် ခွန်အား အရှိစေဆုံးပါ အမေ။ မြေအောက် ထိုးဆင်းနေတဲ့ စိတ်ဓါတ်တွေ ပြန်မြင့်တင်ဖို့ အတွက် ချွေးစို့နေတဲ့ အမေ့မျက်နှာရယ်၊ ရေစိုနေတဲ့ အမေ့ရဲ့ ထမီအောက်နားစလေးတွေရယ်၊ ပင်ပန်းမှုကြောင့် ကြမ်းရှနေတဲ့ လက်ဖဝါးလေးတွေ မြင်ယောင်တိုင်း ကျွန်မ ရင်ဆိုင်ရတဲ့ ဒုက္ခ မပြောပလောက်ပါဘူးလို့ တွေးမိပြီး အားတင်းထားတယ် အမေ။ တစ်ခါတစ်လေ မခံချင်စိတ် လက်တစ်ဆစ်နဲ့ ထိုးကြွလာတဲ့ မာနတွေကို ချိုးနှိမ်ရင်းကပဲ စကားမပြောတက်တဲ့ သူတစ်ယောက် ဖြစ်သွားမလားလို့ စိုးရိမ်နေမိသေးတယ် အမေ။

မွန်းကြပ်သမျှ ဖွင့်ဟဖို့ ချရေးထားတဲ့ ဒဏ္ဍရီစာအုပ်လေးလည်း မကြာခဏ အကုန်မြန်သလို ပါပဲလား အမေ။ လမသာ၊ ကြယ်မလင်း၊ နွေးထွေးမှုတွေ ကင်းတဲ့ အမေ့ရဲ့ အဝေးမှာနေရင်း ညတစ္ဆေတွေနဲ့ မိတ်ဆွေတောင် ဖြစ်နေ ပြန်ပါရော့လား အမေ။ အေးစက်တဲ့ ပတ်ဝန်ကျင်၊ ခက်ထန်မာကျောတဲ့ မျက်ဝန်းနဲ့ စာနာမှု ကင်းတဲ့ အပြောတွေ ကြားမှာ နေသားကျအောင် ကြိုးစားရင်း ကျွန်မ ခံစားချက်တွေ မဲ့လာမှာ ကြောက်မိတယ်အမေ။ မှောင်မိုက်တဲ့ အမှောင်လမ်းတစ်ခုမှာ လမ်းမသိပဲ လျှောက်နေရသမျိုး၊ လှမ်းနေရင်းနဲ့ ဦးတည်ချက် မဲ့သွားသလိုမျိုး၊ မကြာခဏ ဖြစ်တက်တဲ့ ရင်ဘတ်ထဲက အောင့်တက်တဲ့ ဝေဒနာလည်း ပိုပို တိုးလာသလိုမျိုး၊ အသိတွေမဲ့ ၊ခံစားချက်တွေ ပျောက်ပြီး ရင်ခွင်မှာ ဗလာ၊ ဟာတာတာ ဘဝနဲ့ အသက်ရှူရတာလဲ မဝတော့ဘူးအမေ။

ကြိုးစား ပြုံးနေရင်းနဲ့ အပြုံးတွေက မပြီပြင်တော့ တမင်များ မဲ့ပြတယ် ထင်နေမလားပဲ အမေ။ စိတ်မပါရင် ပြုံးဖို့ဝေး လှည့်မကြည့်တက်တဲ့ အမေ့သမီး အခုတော့ ဟန်ဆောင်မှု နယ်ပယ်ထဲမှာ သရုပ်ဆောင် တစ်ယောက် ဖြစ်နေပြီ အမေ။ ကြိုးစားနေတဲ့ ဘဝမှာ သရုပ်ဆောင် မပီပြင်တော့ စကားမပြောတက်တဲ့ အရုပ်တစ်ရုပ် အသွင်ကို ရောက်မှန်းမသိ ရောက်ပြီး အံခဲထားရလို့ အပြုံးဆိုတာလည်း ရှားပါး သယံဇာတ အဖြစ်နဲ့ပေါ့။  ဆက်ဆက်ထိမခံတဲ့ စိတ်ဓါတ်တွေ ခဏ၊ခဏ ကျိုးလို့ အစွယ်ချိုး ခံထားရတဲ့ မြွေတစ်ကောင်လိုပဲ တစ်ခါတစ်ခါ ယုံကြည်မှုတွေလဲ ပျောက်ကုန်ပြီအမေ။ အမေပေးတဲ့ အဖြူစင်ဆုံးသော ရိုးသားမှု တရားသည် တစ်ခါတစ်ရံ သူတပါး တွန်းလှဲခံရဖို့အတွက် အလွယ်ကူဆုံးသော လျှိုဝှက်တံခါး တစ်ခု ဖြစ်မှန်းမသိ ဖြစ်နေတဲ့အခါ ကျွန်မ မဖြူစင် ချင်တော့ဘူးအမေရယ်။

ဥပေက္ခာနဲ့ အပယ်ခံဘဝ ဝေါဟာရ အရ အဓိပ္ပါယ်တူ၊မတူ သေချာမသိဝေခွဲ နိုင်ပေမယ့် အဲဒီခံစားတွေက ခါးသီးလွန်းတယ် အမေ။ အားမငယ်ရဘူးလို့ အားတင်းနေရင်းနဲ့ သွေးသားထဲက ယိုစိမ့်လာတဲ့ အကြောက်တရား ခပ်ပါးပါးက လူကို မရူးရုံ တစ်မယ် သွေးပျက်စေတာတော့ အမှန်ပဲလေ။ အမေ့လက်မောင်း သွဲ့သွဲ့ကိုတွဲခိုလျှောက်ရင်း ယုံကြည်မှုတွေ အပြည့်ရှိခဲ့တဲ့ နေ့ရက်တွေ အမြန်ဆုံး ပြန်ရောက် ချင်ပြီအမေ။ လမ်းတွေလျှောက်ရင်း ဦးတည်ချက် ပျောက်နေတဲ့ ဘဝမျိုး၊ ခါးသီးတဲ့ ဘဝအတွေ့ အကြုံတွေကြားမှာ အလူးအလဲ ခံစစ်ထိုး ကြိုးစားရင်း မျက်ရည်ကြားက ပြုံးတက်အောင် သင်ယူနေမိတယ်အမေ။ ထိန်းချုပ်ထားရင်း လွတ်သွားတဲ့ သည်းခံခြင်းတရား ဓါးသွားတမျှ ထက်နေလေတော့ တစ်ခါတစ်လေတော့ ကိုယ့်ထံပြန်ထိတဲ့ အခါလည်း ရှိတာပေါ့ အမေ။

စိတ်ရဲ့ ဖိစီးမှုတွေ များလာတဲ့အခါ မျက်ဝန်းတံခါးက အလိုလို လျှံတက်လာတဲ့ မျက်ရည်မြစ်တွေကို ခုခံတန်ပြန်ဖို့ အားခွန်အပြည့်နဲ့ " အမေ ....." လို့ တမ်းတ ခွင့်ပြုပါအမေ။ မွန်းကြပ်မှုတွေ နံရံတစ်ဖက်ခြား ပြေးထွက်ခွင့်ရဖို့ ခွန်အား အမေလက်ဖဝါး ဖွဖွလေး ဆုပ်ထွေးပြီးမှ ရပရစေအမေ။ လဲကျတိုင်း ပြန်ထဖို့ အမေ့အပြုံးလှလှလေး ကျွန်မအတွက် လက်ဆောင် အဖြစ် ပို့ပေးပါ အမေ။ လျှောက်ရင်း လှမ်းနေတဲ့ ခြေလှမ်းတွေ ခွေယိုင်ကျလို့ ရပ်တည်စွမ်းမရှိတဲ့ အခါ ဖေးမမဲ့ အမေ စကားတစ်ခွန်း  ကြားပရစေ အမေ....။ လျှောက်နေတဲ့လမ်း ဆူးခင်းတဲ့ လမ်းဖြစ်နေပါစေ အမေ အတွက် ဆိုတဲ့ အသိနဲ့ ရဲရဲနင်းလို့ ကျော်ဖြတ်ခဲ့မယ် အမေ။

ကျေးဌက်မစုံ၊ သံမသာ ညမကူး

ဆူးခင်းသော လမ်းတွေထက်က

ငိုညည်းသံ သဲ့သဲ့ ...

ရှိုက်သံတွေ မွန်းကြပ်...

" ဘဝ "ဆိုပြိး ရေးဖွဲ့...

အရေးလွယ်သလောက်

အတွေးကြွယ်.....

ဖြစ်ရေးမလွယ်တဲ့ ဒီခရီး

ဘယ်တော့များမှ နီးပါ့မလဲ အမေ....။

xxxxxxxxxxxxx

xxxxxxx

xxx

Written By Angelhlaing

Monday, October 31, 2011

(8.38)Pm, Austria

(www.angelhlaing.blogspot.com)

Posted in: ရင်တွင်းစကား