Happy Blog Day

သြဂုတ်လ (၃၁)နေ့ဟာ ဘလော့ဂါများနေ့ တဲ့။

တစ်ကယ်ဆို ဘလော့သက်တမ်းအရ ... ( ၃ ) နှစ်သမီးတောင် မပြည့်သေးတဲ့ နှစ်နှစ်ကျော်ကျော် လမ်းလျှောက်တတ်တဲ့ အရွယ်လေးလို့ ပြောရမှာပါပဲ။ ကလေးငယ်တစ်ယောက် အနေနဲ့ နှိုင်းယှဉ်ကြည့်မယ်ဆိုရင် တီတီတာတာနဲ့ အတော်လေး ချစ်စရာကောင်းနေမယ့်  အရွယ်လေးပဲလို့ ဘာရယ်မဟုတ် တွေးမိပြီး တစ်ယောက်တည်း ပြုံးလို့ သဘောတွေ ကျနေမိတယ်။ ဒီပို့စ်လေး ရေးဖြစ်အောင် တင်္ဂပေးတဲ့ အကိုရန်အောင်ကိုလည်း ကျေးဇူးပါလို့..:) သတိတရ ရှိနေပေးတဲ့အတွက်ပါ။ 

အိန်ဂျယ်ရဲ့ ဘလော့လေးကိုတော့ ၂၃.၁၂.၂၀၁၀ မှာ စတင်ရေးဖြစ်ခဲ့တာပါ။ ခုဆိုရင် ဘလော့ဒေးကို ပါဝင်ဆင်နွဲခွင့် ရခဲ့တာ သုံးကြိမ်မြောက်လို့ ဆိုရမှာပါပဲ။ ဘလော့မှာ မရေးခင်က နိုင်ဆိုဒ်တွေ တော်တော်များများမှာ ဟိုရေးဒီခြစ် လုပ်ခဲ့ပေမယ့် ကိုယ်ပိုင် ဘလော့လေးလောက် တည်ငြိမ်မှု၊ ပျော်ရွင်မှု မရရှိခဲ့တာအမှန်။ အိန်ဂျယ့်ရဲ့ နုနယ်သေးတဲ့ ဘလော့သက်တမ်းလေးမှာ အမှတ်ရစရာ အမှတ်တရတွေ အများကြီး တည်ရှိနေတာကို ကြည့်ရင် သက်တမ်းရင့် ဘလော့တွေမှာဆိုရင် လို့..အတွေးဝေမိတော့ ဘာရယ်မဟုတ် လွမ်းတတ်သူ ပီပီ အလွမ်းတွေ ဝေသွားတယ်။ 

ဝမ်းနည်းစရာ၊ ဝမ်းသာစရာတွေနဲ့ အတူ အမှတ်ရစရာ တစ်ချို့တွေ တည်ရှိနေတဲ့ ဘလော့လေးဟာ ဘယ်လောက်ကြာကြာ ပစ်ခဲ့၊ ထားခဲ့၊ သော်လည်း ပြန်လာချိန်မှာ အစဉ်အမြဲ နွေးထွေးနေဆဲပဲမို့ အသစ်တွေ ဘယ်လောက်ကောင်းကောင်း အဟောင်းက တလည်လည် ဆိုသလိုပါပဲ။ စာအပုဒ်ရေ အနေနဲ့လည်း ဘယ်လောက်မှ မရှိသလို စာရေးကလည်း ကျဲကျဲလာနေတဲ့ ကိုယ့်အခြေနေက အတော်လေး ဆိုးဆိုးရွားရွားပါပဲ။ ဒီဘလော့လေးမှာပဲ ရိုးရှင်းတဲ့ ပျော်ရွင်မှုတွေနဲ့ ရူးသွပ်ခဲ့ရဖူးတဲ့ ညနက်နက်ဟာ အိမ်လွမ်းသူတစ်ယောက် အတွက်တော့ အမောပြေ ရေချို အေးအေးလေး တစ်ခွက်ပါပဲ။

ဘလော့ဒေးရဲ့ ထုံးစံ အရဆို ဘလော့အသစ်လေးတွေကို ညွှန်ပေးရမှာဖြစ်သော်လည်း ကိုယ်တိုင် ဘလော့နဲ့ အလှမ်းဝေးနေတဲ့အခါ ပြုလုပ်ရမယ့် ဝတ္တရား တစ်ခု လိုအပ်နေသလိုမို့ အပြစ်ရှိသလို ခံစားရတယ်။ တစ်ကယ်ဆို ဘလော့နဲ့ ဝေးခဲ့တာ မထင်မှတ်ပဲ အတော်လေး ကြာသွားခဲ့တာကြောင့်ပဲ ဖြစ်မယ် ထင်ပါတယ်။ ဝါရင့် ဘလော့ဂါကြီးများရဲ့ ဘလော့ဒေးအမှတ်တရတွေကို ဖတ်ရတာနဲ့ပဲ ဒီတစ်နှစ်ရဲ့ ဘလော့ဒေးအတွက် အတော်လေး ကျေနပ်မှုတစ်ခု ရလိုက်တာကပဲ ကြည်နှုးစရာ တစ်ခုလို့ ယူဆရမယ်လေ။

အကြောင်းအမျိုးမျိုးကြောင့် ဘလော့နဲ့ ဝေးနေကြတဲ့ ဘလော့မောင်နှမတွေကို သတိရရင်း ..တစ်နှစ်တစ်ခါ ကြုံဆုံရတဲ့ ဘလော့ဒေးမှာ .... အားလုံးသော မောင်နှမ တစ်တွေအတွက် Happy Blog Day ပါလို့.. :)))

လေးစားစွာဖြင့် 

အိန်ဂျယ်လှိုင်

7.36 PM (Austria)

Saturday, August 31, 2013 

Posted in: Tag Post