မျှော်လင့်ချက်မနက်ဖြန် ~ Angelhlaing

Friday, March 11, 2011

မျှော်လင့်ချက်မနက်ဖြန်

10:15 AM Angelhlaing(May everybody be happy and healthy! 12 comments

နင်ရဲ့

ရိုးသားမှုတွေကို

စားသုံးပြီး ငါကလှည့်စားဖို့

ကြံရွယ်နေသလောက် ဖြူစင်တဲ့

အကြည့်တွေအောက်မှာ ငါ့ရဲ့ ၀ိညာဉ် အကြိမ်ကြိမ် ငိုနေတယ်....။

ကဝေလို တစ်မျိုး၊

တစ္ဆေလိုတစ်သွယ် မာယာတွေ

ငါ သုံးနေသလောက်၊ အပြုံးမပျက်

နင် နှုတ်ဆိတ်နေပေမယ့် ငါလိပ်ပြာ ကငါ့ကိုခြောက်လန့်နေခဲ့တာ....။

အေးမြတဲ့နင့်ရဲ့

မေတ္တာတွေ စားသုံးပြီး

သစ္စာဆိုတဲ့စကား စားလုံးပေါင်းမှန်ဖို့

မကြိုးစားမိတဲ့ ငါ အခုတော့ သစ္စာစူးလို့ ရူးရတော့မယ်....ချစ်သူ။

"တားဆီးလို့မရနိုင်သော

ခွဲခွာခြင်းတခုအတွက်

ပွင့်ထွက်သွားတဲ့

တခါးတွေဆီမှာ

တမ်းမျှော်လို့

ခေါ်ခွင့်ရနိုင်ကောင်းမယ်ဆိုရင် ''ပြန်လာခဲ့ပါ'' .........ချစ်သူရာ...။ "

နင်သိခဲ့ရဲ့လား

...ချစ်သူ

ငါ့ခန္ဓာကိုယ်ထဲက

လည်ပတ် စိးဆင်းနေတဲ့ အတ္တတွေအကြောင်းလေ.....

ခပ်ဟဟ

ရယ်မောရင်း

အချစ်ဆိုတာ ဗလာနထ္တိ၊ အသိတစ်ခုထဲ ရယ်...

တစ်ကယ်တော့

တစ်ခန်းရပ်

ပြဇာတ်

တစ်ပုဒ်လိုပါပဲ....

အလှပဆုံး

အသေသပ်ဆုံး

ဇတ်ဝင်ခန်း တစ်ခုအနေနဲ့

သရုပ်ပြကြိုးဆွဲချက်မှာ ခံစားချက်တွေ တော့အသက်မဲ့ ၀ိညာဉ်အဖြစ်နဲ့ပေါ့.....

နင်မသိသေးတာ

တစ်ခုရှိသေးတယ်...ချစ်သူ

နင့်ရဲ့ မျှော်လင့်ချက်

မနက်ဖြန်ဆိုတာ

ဖြစ်မလာတာ

မဟုတ်ဘူး...

အစကတည်းက

မရှိခဲ့တဲ့

မျှော်လင့်ချက်

မနက်ဖြန်မို့........

ဘယ်တော့မှခွင့်မလွတ်ပါနဲ့....ချစ်သူ။

Posted in: ကဗျာ

12 comments:

တောက်ပကြယ်စင် says:

March 11, 2011 at 10:47 AM

ညီမလေးရေ ကဗျာလေးက ထိတယ်၊ အရမ်းကောင်းတယ်ဟေ့၊ သုံးကြိမ်တိတိကို ဖတ်ပစ်လိုက်တယ်။ ကျန်းမာပျော်ရွှင်ပါစေနော်...

ကိုဇော် says:

March 11, 2011 at 12:08 PM

ကောင်းလိုက်တဲ့ ခံစားချက်။
ဒါကို ရေးထားတာလည်း သွက်တော့ လှတယ်။
သြော် . . သူများတွေလိုများ ရေးတတ်ချင်လိုက်တာ။
အားကျပါ့။

လင်းခေတ်ဒီနို says:

March 11, 2011 at 4:33 PM

နင်မသိသေးတာ
တစ်ခုရှိသေးတယ်...ချစ်သူ
နင့်ရဲ့ မျှော်လင့်ချက်
မနက်ဖြန်ဆိုတာ
ဖြစ်မလာတာ
မဟုတ်ဘူး...
အစကတည်းက
မရှိခဲ့တဲ့
မျှော်လင့်ချက်
မနက်ဖြန်မို့........
ဘယ်တော့မှခွင့်မလွတ်ပါနဲ့....ချစ်သူ။

ကျွန်တော့်အဖြစ်ကို ရေးထားသလိုပဲ သူငယ်ချင်းရား((((
ကဗျာကို ဖတ်ရင်း အထပ်ထပ် ခံစားသွားတယ်ဗျား(((

ခင်မင်စွာဖြင့်
ဗညားရှိန်

မေသိမ့်သိမ့် ကျော် says:

March 12, 2011 at 12:51 AM

နင့်ရဲ့ မျှော်လင့်ချက်
မနက်ဖြန်ဆိုတာ
ဖြစ်မလာတာ
မဟုတ်ဘူး...
အစကတည်းက
မရှိခဲ့တဲ့
မျှော်လင့်ချက်
မနက်ဖြန်မို့........

ဒီစာသားလေးကို အရမ်းးးးး ကြိုက်တယ်......။

ခင်မင်လေးစားလျက်

blackကော်ဖီ says:

March 12, 2011 at 1:19 AM

ဒီလိုပါပဲ ရိုးသားတဲ့ သူနဲ့  တွေ့  ရင် မရိုးသားတဲ့ သူက ကိုယ့်လိပ်ပြာ မလုံဖြစ်ရတယ်လေ...
ကျွန်တော်လဲ ဒီလို ကြုံဖူးတယ်...
ပြန်စဉ်းစားမိတိုင်း သူ့ အတွက် စိတ်မကောင်းဖြစ်ရတယ်။
လှည့်စားမိတဲ့ ကိုယ့်ကိုယ်ကိုလဲ ဒေါသ ဖြစ်ရတယ်။

Unknown says:

March 12, 2011 at 1:36 AM

ကောင်း၏။ ကောင်း၏။ ကောင်း၏။

Unknown says:

March 12, 2011 at 1:37 AM

http://saytanarpankhinn.blogspot.com/ ကိုလည်း လာလည် ဦးနော်။

Unknown says:

March 12, 2011 at 1:39 AM

ကောင်း၏။ ကောင်း၏။ ကောင်း၏။ http://saytanarpankhinn.blogspot.com/ ကိုလည်း လာလည်ဦးနော်။

ကိုထွဋ် says:

March 12, 2011 at 3:21 AM

ွှအရမ်းကောင်းတယ်ဗျာ....

မောင်မောင် says:

March 12, 2011 at 7:32 AM

ညီမရေ
ကဗျာလေး ကို ဖတ်ရှု့ ခံစားသွားပါကြောင်း။
ရေးတတ်လိုက်တာနော် :D
အားကျပါဘိ....

မိုးယံ says:

March 12, 2011 at 9:03 AM

ကောင်းလိုက်တဲ့ အတွေးအရေး။ မိတယ်မိုက်တယ်.

ရွှေဘုန်း(စေတနာပန်းခင်း) says:

March 12, 2011 at 6:01 PM

မင်္ဂလာနံနက်ခင်းလေးပါ။ လာလည်သွားတယ်နော်။ ကဗျာလေးလည်း နားမလည်ပေးမယ့် ဖတ်သွားပါတယ်။ သူများတွေတော့ကောင်းတယ်ပြောတယ်နော်။ ဒီထက်မက အောင်မြင်ပါစေ။

Post a Comment

ပြောပြချင်ပါတယ်။

မ င်္ဂ လာ ပါ ရှင် ...
အကြုံပြု ချင်တာပဲ ဖြစ်ဖြစ်
အမြဲ ဒီမေးလ်မှာရှိနေတတ်သူပါ။

anglehlaing@gmail.com ကို
ဆက်သွယ်လိုက်ပါနော်။

စာဖတ် သူများနှင့် အလည် လာကြ တဲ့
သူငယ်ချင်းများ၊ မောင်နှမများ အားလုံး ပတ်ဝန်းကျင်ရှိ
သက်ရှိ၊ သက်မဲ့တွေနဲ့ အတူ ထာဝရပျော်ရွင်နိုင်ကြ
ပါစေလို့ ဆန္ဒပြုရင်း။

အစဉ် အမြဲ လေးစား
ခင်မင်လျှက်။

Angelhlaing

နှစ်သက်မိတဲ့ စာသားများ

ကံချင်းတူလျှင် ဥာဏ်သာတဲ့သူက အနိုင်ရတယ်။
ဥာဏ်ချင်းတူလျှင် ဝီရိယသာတဲ့သူက အနိုင်ရတယ်။
ဝီရိယချင်းတူလျှင် စည်းကမ်းရှိတဲ့သူက အနိုင်ရတယ်။
စည်းကမ်းရှိတာချင်းတူလျှင် စေတနာရှိတဲ့သူက အနိုင်ရတယ်။
စေတနာရှိတာချင်းတူလျှင် ရိုးဖြောင့်တဲ့သူက အနိုင်ရတယ်။
ရိုးဖြောင့်တာချင်းတူလျှင် အပြောချိုသူက အနိုင်ရတယ်။

စဉ်းစားဆင်ခြင်တက်သော ဦးနှောက်ကို ခံစားလွယ်သော နှလုံးသားက မလွမ်းစေသင့်ဘူး။
(ဆန်းလွင် (အရှင် အာဒိစ္စရံသီ) > ရတနာသုံးပါးကို ကိုးကွယ်ဆည်းကပ်လာသူ တစ်ယောက်အကြောင်း စာအုပ်မှ)

လောကမှာ တက်သိသူတွေများတယ်။ သိတက်သူတွေ ရှားတယ်။
( ဦးသုခ )

အချစ်ဦး တစ်သက်တစ်ခါ တစ်လွှာတစ်ရွက် တစ်ခက်တစ်ပွင့် ငုံအဆင့်မို့ ရင့်လို့ပဲဝါ၀ါ ညှာတံပဲပြုတ်ပြုတ် ဖြုတ်ခနဲပဲကြွေကြွေ မြေမှာပဲရောက်ရောက် ဖွဖွကလေးကောက်လို့ ပန်းခြောက်လေးပဲမြတ်နိုးမယ်။
မောင်စိန်ဝင်း(ပုတီးကုန်း)

ဗေဒါလမ်း

ညိုပြာပြာ လတာပြင်ခြေရင်း
လှိုင်းတက်ရာ ဗေဒါတက်၊ လှိုင်းသက်ရာဆင်း။
ဆင်းရလဲ မသက်သာ။
အုန်းလက်ကြွေရေပေါလော၊ မျောစုန်လို့လာ
အဆင်းနဲ့အလာ၊ ဗေဒါမ အထွေး။
အုန်းလက်ကြွေ သူ့နံဘေး၊ ဆောင့်ခဲ့ရသေး။
ဆောင့်ခဲ့လဲ မသက်သာ
နောက်တချီ ဒီတလုံးက၊ ဖုံးလိုက်ပြန်ပါ
မြုပ်လေပေါ့ ပေါ်မလာ၊ မဗေဒါအလှ
တလံကွာ လှိုင်းအကြွ၊ ပေါ်လိုက်ပြန်ရ
ပေါ်ပြန်လဲ မသက်သာ
ချောင်းအဆွယ် မြောင်းငယ်ထဲက၊ ဘဲထွက်လို့လာ
ဘဲအုပ်မှာ တရာနှစ်ရာ၊ ဗေဒါက တပင်ထဲ
အယက်အကန်ခံလို့
ဗေဒါပျံအံကိုခဲ၊ ပန်းပန်လျက်ဘဲ။

ဆရာဇော်ဂျီ

နှင်းဆီပွင့်

လယ်တောက ပြန်
ပန်ချင်တယ် ခရေဖူးဆိုလို့
မောင်ခူးကာပေး။

မနက်တုန်းဆီက
ကြော့ဆုံးကို မောင်မြင်တော့
သူ့ဆံပင် နှင်းဆီပွင့်တွေနှင့်
ဂုဏ်တင့်တယ်လေး။ ။
မင်းသုဝဏ်
၃၁.၁၂.၁၉၃၂

အနုပညာကိုတည်ဆောက်တဲ့နေရာမှာ
ရိုးသားမှုအခြေခံမပါရင်
အနုပညာဟာ
ဘယ်လိုမှ ခိုင်မြဲတဲ့အနုပညာ
ဖြစ်လာမှာမဟုတ်ဘူး။
မောင်ချောနွယ်

“ခေတ်ကိုဖြတ်သန်းတဲ့အခါကျ
အတုစကားလည်း
ပြောရမှာပေမပေါ့ဗျာ”
မောင်ချောနွယ်

ဒီမှာ
ကမ်းနားသစ်ပင်ဆိုတာ
အမြစ်မကျွတ်ခင် အရာဝင်တာပါ

သစ္စာမဲ့သူအတွက် သစ္စာဖောက်သူတွေဟာ
သူ့ဝမ်း သူကျောင်းပြီး
သူ့လမ်း သူသွားတယ်ဆိုပေမယ့်
တစ်မိုးအောက်ထဲမှာဆိုတော့
မတွေ့ချင်ပေမယ့် မြင်နေရတတ်တယ်
မြင်တဲ့အခါ ကျောခိုင်းလိုက်ပါ
နောက်ပြီး "ငယ်စားရင်း" ဖျက်လိုက်ပါ
ဒါဟာ...တရားမျှတတဲ့ အလုပ်တစ်ခုပဲဖြစ်တယ်
ကဗျာဆရာ မောင်စိမ်းနီ

ဟေ့...
မြန်မာဟာ မြန်မာပဲ။
မြန်မာဟာ မြန်မာပြည်မှာ နေရမယ်။
မြန်မာပြည်မှာ သေရမယ်။
အကြောင်းအမျိုးမျိုးကြောင့်
ရေမြေခြားကိုရောက်နေရပေမယ့်
တစ်နေ့မှာ မြန်မာပြည်ကို ပြန်ရမယ်။
အခွင့်အရေး တစ်စုံတစ်ရာကြောင့်
နိုင်ငံခြားသားလုပ်ဖို့
ဘယ်တော့မှ စိတ်မကူးလေနဲ့။

ဦးသန့်

ဆရာမောင်လှမျိုး(ချင်းချောင်းခြံ ) ရဲ့ အလွမ်းလက်တစ်ဆစ် ဆိုတဲ့ ၀တ္ထုထဲက စကားပြောလေးပါ။

“ဘယ်တော့မှမမေ့ဘူးဆိုတဲ့ ဝေါဟာရက ပျော်ရွှင်ကြည်နူးစရာတွေအတွက်ပဲကောင်းတယ် ။ တစ်ခြား အနိဌာရုံကိစ္စမျိုးတွေအတွက်တော့ ဘယ်တော့မှ မမေ့ဘူးဆိုတဲ့ စကားက ဘယ်တော့မှမကောင်းဘူး ။ ဘယ်တော့မှမမေ့ဘူး သူငယ်ချင်းရယ် ဆိုတဲ့ လွမ်းစရာတွေပဲ ကောင်းတယ် ဘယ်တော့မှမမေ့ဘူးဆိုတဲ့ နာကျင်စရာမျိုးက ဘယ်တော့မှ ဘယ်သူ့အတွက်မှမကောင်းဘူး ”။

Angelhlaing

Friday, March 11, 2011